اقدم لكم اليوم قصيده لا احدى شاعر حفرالباطن
وان شاء الله يكون ضيفنا علينا فيما بعد
الشاعر// نواف سليمان الحربي
ناظرتني بعينها اللي كنها زرقاء اليمامه
ترجمان العين يوحي بكلمةٍِ مثل السلام
قلت ياربي دخيلك مالي بزود الملامه
جايز مشبه علي ولايبي مني كلام
يوم قفيت وتكلم تل قلبي من كلامه
كنه يقول الكبر لله ماهو للأنام
صوتها كنه صغيرٍ توه صاحي من منامه
يوم قالت لي تعال و خل نبدا بالكلام
قلت سمي ياهلا باللي لفاني من تهامة
ياهلابك ياهلابك عد ما هل الغمام
كل حيٍ من دياره له على لسانه علامه
ومن كلامك عارفين أقصى ديارك بالتمام
قالت الحب العفيف الذرب وشو؟؟؟وش نظامه؟
ودي بحبٍ معك لو كان ماهو بالنظام
قلت من وقع على راس الطويلة والعدامة
مايوقع فالمطامين السحيقه والهدام
وأنتي أكبر من كلامٍ رددوه أهل الملامه
ومن تولع في غرامك والله إنه ما يلام
لكن اللي جابك لـ نواف وشو يا حمامة
وكيف دليتي مكاني يوم كنا بالزحام
سلهمت لي بعينها ثم ألحقتها بإبتسامة
لين ضيعت البصيره يوم ضيعت الزمام
وقالت إعجابي تعدا فيك حده وإحترامه
لين جيت وقلت أحبك ياحبيبي بإحترام
العرض العادي
