السلام عليكم ورحمة الله وبركاته
كل أحبتي هنا ,,
أسعد الله أوقاتكم بالمسرات وكل عام وانتم بخير مقدما ً
أعتذر عن الغياب وانتم أهل لقبول العذر
تقبلوها مع حبي ,,
[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
(البحر هيضني موجه) (والهبايب والنخيل)=واستفز حروف صدري بحر من بد البحور
علميني يالقريحه وش ورا الصمت الطويل=وانتي ماهي عادة ٍ لك يختنق فيك الشعور
آنا والله ماذخرتك الا للقلب العليل=اللي لامن زاد حزنه يلقى في بوحه سرور
لا تشحين بسروري مثل ما الحظ البخيل=شاعرك وافي دخيلك لايجي منـْـك القصور
عندي ارحم من قصورك ضربة السيف الصقيل=إن حضرت بشعر والا ياعسى مالي حضور
مايهز الريح راسي والعقل وزنه ثقيل=وكل قطرة دم فيني حزة الموقف تفور
سمعيني صوت خيلك لا استهلت بالصهيل=خلي احساس المعنى من بعد صمته يثور
وانثري كل المعاني عند منثور الجديل=كان باقي للمحبه في زمان الكذب دور
ذكريه ان كان يذكر ماضي الحب الجميل=يوم كان الصبح شوقي والمسا انفاس العطور
ذكريه بكل شي ٍ كان من قبل الرحيل=قبل ماتموت الأماني وهي في عمر الزهور
وان ذكرها مانكرها علميه إني قتيل=هذا هو اللي بقلبي واللي في بالي يدور
ماني طامع في المواصل والمواصل مستحيل=خابر ٍ حظي وحظي من دبور ٍ في دبور
و النهايه يالقريحه اشكرك شكر ٍ جزيل=رايتك بيضاء وعمرك مايجي منـَك قصور[/poem]
محبكم
الصـمت الطويـــل ...
العرض العادي
