من هنا نطالب ماهو داخل الموضوع

[نادر وجودي]

[align=center]بسم الله الرحمن الرحيم


اخواني احبائي اعضاء المنتدى الغالي انا فكرت بالفكره هذه اذا لم تعطي لك الفرصه ان تبدي رايك

اخواني خلونا نتفق ونتوكل على الله ونبدا في المطالبه في نظام ( ساهر )

في حفرالباطن او ( رادار ) والله يا اخواني ملينا وطفشنا لاحول ولاقوة الا بالله من الحوادث الي تصير

كل يوم ووفيات كل يوم نبي احد الانظمه هذه تطبق في حفرالباطن ونطالب ايضا بزيادة

عدد الدوريات الامنيه والمرور السري لاننا لا نلاحظ هناك شغل على وقت النهار فقط في الليل

او اخر الليل ونريد ان نعتني في ديرتنا ونحافظ عليها ونحاول نبعد كلمة حادث او وفاة خلال

يومين او ثلاثة ايام فقط اتمنى يصير ذلك لانسمع عن اي خبر وفاة او حادث لاسمح الله

ونريد ايضا مطبات صناعيه في بعض الاحياء السكنيه ونريد زفلتت الشوارع ويخلصونا

من المشارع التي لها الف سنه وحطبه نريد نرتاح .....

بعض الشوارع التي تحمل اسم امير او ملك كبير او خط دولي مثل طريق الكويت

كل الطريق حفريات عند كل اشارع تضرب مطبه او مطبتين والله لو تروح لديره ثانيه ماتلقى

لان اهل الديار الثانيه ظغطو على بلدية المنطقه او الجهه المختصه في الامر ونفذو كل مايريدونه

لو اهل حفرالباطن ظغطو على البلديه او غيره لانفذو ذلك ولاكن في من يخرب على الاهالي

اذا طلبو الشي ذاته لابد ان نتحرك ونطالب بكل ماهو مفيد من مصلحتنا انت لاقدر الله ماراح تنقل

من الديره وظليت في عشرات السنين بالله تبي تصير على الحفريات الي كسرت سياراتنا ياخي

والله مهزله والله العظيم لو في مسؤؤل من هذه الديره وكفو ماتلقى الديره على هذا الحال

بس محد له خلق كل من يقول علي من نفسي طيب وش ذنب اهل الديره ياخي وش ذنب الي لهم سنين

ساكنين وتجي انت يالمسؤول وتقول ماعلي من احد ياخي مايصير تسوي فينا كذا .........

اخواني اتتني فكره لنعيش فيها الفقراء في المحافظه لابد من الاهالي وضع صندق خاص

للمحافظه ودفع كل ماهو مقدور عليه من هذه الاهالي حتى نكسب الاجر ونبعد سالفة الفقر

ونحاربها حتى يجي الفرج من ربك بصراحه انا اشوف حالات فقر صعبه جدا جدا جدا

ومن هذه الحالات يا احبابي قبل اسبوع لقيت رجل يتبول اكرمكم الله في المنظر الجميل وهي عند الاشاره

الخماسيه امام مركز الشارقه بصراحه منظر سخيف جدا جدا جدا ووقفت عند الرجال وسالته

قلت ياعم ليه تتبول اكرمكم الله امام الناس قال ياولدي ولله لو بيدي ريال ماتلقاني بالمكان هذا قلت

وين عيالك اقاربك يقول ماعندي عيال امراته وعدد من البنات الله يحفظهن له ويخليلهم والدهم

وقلتله وين بيتك اوصلك قال لاتوديني ابي ادور رزقي قلت خلني اوديك لبيتك افضل اطلب ربك يفرجها

قال لا خلني قلت على راحتك انا ركبت سيارتي وذهب خلف مركز الشارقه واوقفت سيارتي والاحظ

الرجال يفتش في صندوق الزباله اكرمكم الله والله كسر بخاطري بصراحه وكان الكلام هذا الظهر بالحر

ياربع خلونا نتفق نضع صندق عند مكان محروس ومتابعينه كل يوم لو كل واحد من اهل الديره

يدفع عشرة ريال شهريا او عشرين ريال شهريا والله تشوف حالة الفقر تزيل مع مرور الوقت

لابد يا اخوان من حركه ومن تنقل وتطوير هذه المحافظه..........

( لاحياة لمن تنادي ) بس انشالله يسمعون الحين


في الاخير تقبلو تحياتي : عبدالعزيز العنزي[/align]

اتمنى من الاداره عدم حذف الموضوع مهم بصراحه

[وايلي501]

اهلا وسهلا بك مجددا اخوي عبدالعزيز

والحمد لله ع السلامه

باختصار بالنسبه للمرور عندنا بحفرالباطن سياسيتها وانظمتهم الخاصه بهم متخلفه ...

البديه ما ادراك ما البلديه آآآآآآآآآخ بس تعبنا

البلديه الحل بفرض رقابه عليها

للمحاسبه والمراقبه والتحقيق بالشكاوي فعلا البلديه فيي وضع مزري من رشاوي و ....و..... الخ

أصلاً هالأشكال هم اللي بيضيعون البلد ,

واتمنى من الاعضاء المنتدى بوضع صفحه بالفيس بوك


ماهو اسباب الفساد في حفرالباطن ؟؟؟






شكرا لك
يا عبدالعزيز

[شــغــموم]

اذا مافيه قضاء مستقل ومشاركة الشعب في تقويم الاداء الحكومي والمحاسبة من خلال المجالس
واطلاق صلاحيات هذه المجالس ورفع الحصانة في حال المحاسبة امام اي مسؤول محلي او وزاري
فلا تتعبوا انفسكم فالجميع يتمتع بالعصمة من الخطأ ونحن على مذهب الروافض ليس في الدين
وانما في النظر للاشخاص سواء مشايخ او مسؤولين ....!
هل يعقل ان مدينة في اغني بلد بترولي بدون ازفلت ....!؟
اليست كارثة ؟؟

[نيسان]

لو أصحاب السيارات ما ضبطوا سياراتهم
لا ساهر و لا غيره بيضبطهم ..!


ما فيه شخص سأل نفسه عن سبب قلة الحوادث في الدول الأجنبية
و كثرتها في دول العرب و بالسعودية خاصة

تجاهل أنظمة المرور هو السبب الرئيسي
و جهل الأغلبية لهذه الإرشادات يعتبر ثانوي
أما ساهر و الرادارات تعتبر أسباب مؤقتة لاتباع الأنظمة المرورية
بأماكن محددة فقط

حتى الرخصة تعطى لأشخاص غير كفؤ
و المصيبة إن ما يسوق غير اللي ما معه رخصة


الشي اللي لازم نطالب فيه .. هو مدرسة حقيقية لتعلم القيادة
و تشديد أنظمة المرور ..


الجزئية الثانية بموضوعك اوافقك عليها

[يونس الميهوبي]

اقتباس: المشاركة الأصلية كتبت بواسطة Nissan    و المصيبة إن ما يسوق غير اللي ما معه رخصة

[align=center]صدقت انا واحد منهم ولا مفكر اطلع رخصه [/align]

[تركي الوايلي]

انا رخصة قيادتي منتهيه صارلها سنتين

فما ادري هل يحق لي اصوت معكم يالربع ولا اقش عفشي

[نادر وجودي]

مشكورين اخواني بصراحه لو نطالب فيها محد يردنا بس للاسف

[طلال الوافي]

اخي العزيز احنا كتبنا كثير وطالبنا
ولا يوجد لا صحافة ولا رجل اعمال ولا مسؤل بالمحافظة اوصل الرسالة
الى خادم الحرمين الشريفين
فانا اقول لو نجتمع على ابواب المحافظة وننادي خادم الحرمين الشريفين بالنظر الى محافظتنا والاهمال الواضح عليها من قبل المسؤلين ممكن بهذا الوقت يلتفت الينا احد المقربين لخادم الحرمين الشريفين ونوصل الرسالة
يالله قولوا تم بضبط لوحة اكتب عليها (ياخادم الحرمين حجبوا اصواتنا عنك)
اما كتابات فانا اقول لك اخي لا حياة لمن تنادي والدليل كم كتبنا هنا
اما مسألة الفقر اللي تقول عنه فهي مسؤلية الدولة اين هم من هؤلاء الفقراء ؟؟؟؟؟؟؟؟

[&&<خالد>&&]

جزاك الله خير على هالاقتراحات

بس كلام كلام كلام كلام كلام كلام كلام

تعبنا وحنا نتكلم البلديه اغسل يدك يسون شي

اما بخصووصص الصندوق الجمعيات الخيريه اامن من اي مكان

والله يوفق الجميع
======
خالد المطيري

[الضاحي]

طيب ليش مانتفق على يوم يكون 50 عضو ويحددون
اليوم والساعة ونتقابل عند البلدية وندخل على مدير البلدية
ونعطيه قائمة المطلوب ونشوف رده علينا