اخربها

[غنمان الغانم العنتري]

تسنع لااقلب الدنيا على راسك بهجراني ---واخربها معك كلك واصحي جرح نسيانك

تراها لاخربت عندي ولايخفاك حقراني --- افارق للابد وقفي وشطب حت عنوانك

تعيد وتطري الفرقا واغطيها بكتماني --- وترجـع لي بطاريها تكــررها على لسانك

تكــررهـا وانا ساكــت ابيـك تصير عقلاني --- ابيك تغير القصــه ولكــن زدت بجنانك

تبي ننهي علاقتنا ترى مسموح نسياني--- واخدمك في نهايتنا واعجلها على شانك

واذا ودك على قربي تدله باب بستاني --- ولكن شرطي ماتطري طواري تهد بنيانك

تخير قبل ماسكر في وجهك كل بيباني --- تلاحق تالي الفرصه تراك تموت بحزانك

انا مابي رجــاك ولاابي منــك ترجاني --- ابي منــك وفــاء 0ولا تريحنــي بهجرانك

وصـلـك العلم وانت اسمي يهزك قبل قيفاني --- ابي ردك واذا تقدر ابي ردك بقيفانك

جميع الحقوق محفوظه الشاعر غنمان الغانم 1435

[الشعبان]

صح لسانك
ولاش خراب هذا التنبيه الى الصلااااح

[غنمان الغانم العنتري]

منور هلابك ان شاء الله مافي خراب مجرد فكره فقط لاهنت

[ريم النواااظر]

؛

[أخربها]
بدايه من العنوان /وأنا ميقنه أنني
أمام نص مختلف..وحرف جزل
شاعرنا/غنمان العنتري
هذا الرحيق فاخر جدا
ومشاعر كتبت بنكهه خاصه
استمتعت بأختلافها وشفافيتها
صح نبضك
ورقي حرفك

وصـلـك العلم وانت اسمي يهزك قبل قيفاني
--- ابي ردك واذا تقدر ابي ردك بقيفانك..!!

ِ

[غنمان الغانم العنتري]

منوره ياريم النواظر ولاهنت كل الشكر للمرورك

[محمد ابو سعود]

مالك حل ياغنمان الله يعين من يرد عليك بقيفانة