[align=center]
من ابياتي ارجو ان تنال رضاكم واستحسانكم
اسـج عن طاريك وابعد واسلـي ... قلبٍ تجرع فـي هــواك الهمومـي
يازين ماترفق على قلبي اللـي .. . طاح وعجز من طيحته لا يقومـي
تعبت اداري بك وانا ما حصلي ... من عشرتك ماغير كثر الحلـومي
جيتك واحسبك في قدومـي تهلي ... تطفي ضمى قلبـي وفيّـه رحومي
وادور بقربك عن الصيف ظلـــي ... عطشان واعمتني هبوب السمومي
واخيل برقك واحسبـك تستهلـي ... تروي ضمايه دام كنت محرومي
اقفـى سحابـك رافـض انه يبلـي ... قلبي وهو يرجي هذيك الغيـومـي
حلم رسمته فـي حياتي مـولــي ... وصرح بنيته صار بالي هدومي
لا واخساره يوم أنا ضعت كلـي ... فـي حبك المقفي قليـل العـزومي
قـررت أبعـد عن عيونك لعلـي ... أنسى واسلي خاطري عنك يومي
وابعد طريقي عن طريقك واخلي ... قلـب نسانـي يا عسـاه مهـدومي
ياقلب ياقلــب الشقـا ليشــى قلــي ... تخلص لمنهو عشرتـه ما تـدومي
لا صار مابـه غيـر كثـر التغلـي ... ما عاد لك في قرب مثلك لزومـي
من بـاع حبـك خـل حبـه يولـي ... لو كان عمرك في غلاه محزومي
اخوكم ابو تركي
[/align]