مدير المرور : أتمنى أن تعطيني مخالفة مرورية ..مشتاق لها ..مع الحل السحري.

[أبوفيصل]

لا أحد يتعجب من عنوان الموضوع ..

نعم أنا لا أربط الحزام وأنا معترف بذلك ..

أنا لا أحمل رخصة مرورية ..

أنا أعكس السير , لأن شارع ابو بكر الصديق قريب مني "وهو مشهور بعكس السير"

أنا سأتحدث بالعامية واعذرونا , لأننا تكلمنا بالفصيح ولا فاد..

حفر الباطن مصيبة , ليست هي مصيبة , بل 90 % من سائقي السيارات لا يعترفون بأولويات المرور

وأنظمته ..

أنا اليوم شفت شيء عجيب ..جداً عجيب..

بعضكم قد يقول واحد عاكس سير ...لا سلامة أرواحكم هذا شيء عادي ..أصلا الي يعكس يكبس لك

بالنور علشان تزح عنه ..

لا حد يقولي تفحيط ...التفحيط بديت أشك أنه مسموح ..

لا حد يقولي أنه سيارة تصرف والشكمان "معثور" بالأجواء ..أصلا نص سيارات الحفر منتهية ..

لفيت من عند الكسر اليوم الصبح متجه للسوق ....أول ما لفيت كانت سيارة واقفة بنص الخط

اطالع للسيارة اثر ما فيها أحد ...والا راعيها واقف عند الورشة ويسولف مع السوري ..

لعنبوا شيطانك بنص الشارع واقف ..ليه ..؟؟...أنا وين حقي بالشارع ..وين النظام عنك ..

للأسف انقهرت وبعد تقريباً خمس دقايق تكرم الأخ العزيز وركب سيارته ويصارخ على إني اعجلته ..

هذا لو جته دورية مرور أو مرور سري ووقفه على جنب وحجز سيارته بالحجز أسبوع وغرمه

500 ريال ,,هل سيرجع لفعلته مرة ثانية ...

الناس يا سعادة مدير المرور بحفر الباطن , كما قيل في المثل الأوروبي "تغفر لمن قتل أباها , لكن

لا تغفر لمن أخذ نقودها "..

يا عزيزي مدير المرور وإني والله لا أعرف اسمك لأنك مقل في الظهور الإعلامي , ياعزيزي نبي

شغل , نبي الي يخالف تملون درج سيارته مخالفات ...

خل كل شخص فينا لا بغى يعكس السير يحسب ألف حساب وحساب , خله يحس أن فلوسه راح تنقص

لو عكس السير ...

خل كل شخص فينا يفكر ألف تفكير بالغرامات الي يدفعها بمجرد وقوفه في المكان الخاطئ ..

يا عزيزي مدير مرور حفر الباطن :

في واحد اسمه فلان الشنبري , مدير مرور منطقة حائل , هذا أنا ارتعب منه إذا أطروا لي أسمه

وأفكر إني أنزل من السيارة وأمشي , على الرغم من أن الرجل محبوب دائماً , لكنه ببساطة

وبضحكة جميلة منه , يقولي ليش مظلل أقوله شمس , يبتسم ليحرر لي مخالفة بقيمة 150 ريال

وفي المرة الأخرى لماذا تقود بدون رخصة , وبابتسامة "يصلخني " بقسيمة قيمتها 300 ريال

إلين في ظرف سنتين سددت ما يقارب 2500 ريال ..

كان في مؤتمر بكليتي بحائل وكان عن المرور , وكان الشنبري حاظر , فقال له أحد الشباب وبالحرف

الواحد : متى تعقلون يالشنبري وما تعطونا قسايم ؟؟

قال وبضحكه بارده : إذا عقلتوا إنتم حنا نبي نعقل , اذا زدتوا نبي نزيد..

هنا يفرض النظام بالقوة ودون أي إهانة للمواطن ..

نعم أنت تخالف ...أنا أعطيك قسيمة انتصاراً للمنضبطين من أبناء البلد ..

أتمنى يا سعادة مدير مرور الحفر أن تنزل بنفسك للميدان وتحفز الأفراد عبر الدورات بضرورة إعطاء

القسايم للمخالفين وعدم التهاون معهم ...فالانسان يحب الفلوس ويسوي كل شيء من أجل عدم ذهابها

أتمنى منك تحفيز الأفراد ...كل فرد يخلص بوكين إلى ثلاثة في الأسبوع عطه عطه 72 ساعه

بكذا الكل يستفيد :

المواطن لأنه راح يدفع ثمن خطاه ولن يعود لها ..

العسكري راح يؤدي عمله , وراح يجازى عليه بأوف..

المجتمع ينضبط ..

يا مدير المرور : الله الله بالقسايم ..فالناس والله ما تنضبط لا بدورة ولا غيرها تنضبط لا بغى يجدد

جوازه فإذا بمبلغ المخالفات 3000 ريال ,,,حينها بيتوب عن المخالفات ....


وشكراً لك في حال وصلتك رسالتي ..كما أتمنى من قسم العلاقات العامة بالمرور تبنيها

وإيصالها إلى سعادة مدير المرور..

من مواطن يحب حفر الباطن ..



>>>تحية للمنضبطين مرورياً..

[عايد الخالدي]

السلام عليكم
ألف شكرا لك أخوي أبو فيصل على الطرح الرائع والذي نأمل أن يصل لمن تريد
لكن
نحن نريد أن يطبق النظام على الكل وليس بالإنتقائيه
ليس إبن فلان وفلان يأخذون المخالفات وإبن فلان وفلان لا يأخذها
لو خولف من خرق النظام فسيكون جميلا لكن ناقص دام أن هناك من يخالف ولا يلقى عقابه
وذكر لنا الأخوان في المنتدى عن هكذا أمور
شكرا لك أخوي أبو فيصل

[وايلي501]

هههههههههههههههههههه بالبدابه قلت عنده واااااااااااسطه
لاكن كلام والله صحيح يعيطيكــ العافيه على النقل@@@@

[سن الفاره]

مشكورررررررررررررررر وكلامك فعلا في محله
والله اني ابطي ماااشوف دورية مرور تصدق يمكن نسيت شكلها ما اااميز بين المرور والجوزات والا الشرطه بعد
بس لاتخاف علي ذيبان كل مافكرت اني انساها رحت يم ديرتي عشان اتذكرهااااا هههههههههههههههههه
ولا سمعت بعد بينقلون يم محل جديد عاد صدق بننساهم عاد لا محل قريب ولا سيارت تنشاف وشكراااااا لك على الطرح الراااائع

[ناجي الحفراااوي]

الاخ ابو فيصل اسعد الله مساك بكل خير ومحبه

كلامك جميل ياغالي وانا معاك بهذا المطلب للحد من الظواهر المزعجه

لدى بعض السائقين مثل عكس السير وقطع الاشاره المروريه والتوقف بالمكان الخطأ

والله اذا كان فيه تشديد قليل من قبل ادارة المرور لشاهدنا الشوارع مرتبه

ولا توجد حوادث من سبب قطع الاشارات المروريه او من عكس السير

نريد التجربه فقط لمدة شهر في المخالفات لكل مخالف في الشوارع

لنشاهد شوارع الحفر بعد التشديد .

الاخ ابو فيصل نتمنى ان تصل رسالتك للرائد ضيف الله الجبلي

وان شاء الله يتم العمل بها ولو على التجربه فقط..

[شــغــموم]

اقسم لك بالله انك رائع يابو فيصل ماشاء الله على الاسلوب لاتقول شغموم يحسدني ترى
قلت ماشاء الله وكلامك 100 % صحيح والمشكلة ان الكثيرين يخالفون الانظمة لعدم
وجود رادع وليش اذا رحت للكويت التزمت بالنظام وربطت حزام الامان؟
لقوة تطبيق النظام هناك وضعفه هنا ..!!؟
ابو فيصل اسمح لم استطع اخفاء اعجابي بطريقة كتابتك للمواضيع
تاج راسي والله ..

[$.$ المهلهل$.$]

فعلاً كلامك أخوي أبو فيصل في غاية الواقعية ونتمنى أن تصل الرسالة لمدير المرور

[بدوي فاهــم]

المخافة ليست حلا مفيدا البعض يطلب من رجل المرور اعطائة مخالفة وبسرعة وقد تصل بة البجاحة الي تمزيق المخالفة ورميها في وجة رجل المرور بدون اكتراث والسبب انة يعرف زيد او عبيد وبالتالي لاتنفذ المخالفة.والمشكلة الاخري هى ان اغلب افراد المرور مراهقين وصغار باالسن انا من وجهة نظري ان التوعية هى الحل حتي لو تأخر هذا الحل.الف شكر لك اخي ابو فيصل علي موضوعك القيم

[مشعل القشيطه]

مشكور والله ان كلامك عين الصواب

[عابد]

عز الله لو يقرأ ضيف الله الجبلي الموضوع ،، ليخلي الدوريات صافة على التقاطعات 24 ساعه وهات يا مخالفات ..... يمكن ما تلقى الشيبان والصبيان الصغار يسوقون خلاص والمطافيق تلقى العقل سبحان الله ينزل عليهم ... وراعين الصفطات القشرا ينضبطون ...

كثر من هالمواضيع ( استفتحتا بك والله المستعان اول مشاركه ) ولا نوصيك بالشئون الصحية وبعدهم البلديه ...