اتصل بادارة الموقع البحث   التسجيل الرئيسية

 

إعلانات خيرية مساحة مجانية للاستفسار مراسلة الإدارة

======================================================================================================================


العودة   منتديات حفر الباطن عاصمة الربيع > الاقسام العامه > القسم العام

القسم العام للنقاش الهادف والبناء والمواضيع العامه

إضافة رد
 
أدوات الموضوع انواع عرض الموضوع
قديم 18-06-09, 06:11 PM   رقم المشاركة : 1
حفراوي بطناوي
عضو ذهبي
الملف الشخصي






 
الحالة
حفراوي بطناوي غير متواجد حالياً

 


 

Talking تصرفات بالقياده ترفع الضغط والسكر وتجيب العقنقز

بسم الله الرحمن الرحيم

بصراحه عندنا تصرفات بالقياده ترفع الضغط والسكر وتجيب العقنقز

يعني خذ مثلا الشارع فيه اربع مسارات وعند اشاره تجي حضرتك تبي تلف يمين

الا وفيه تنح موقف في المسار اللي تبي تلف معه وطوط وطيط وطاط ولا همه

تصبر شوي تقول يمكن يحس على دمه ويحرك ولا فيه فايده وطووووط وطيييييط وطااااااااااط

استغفر الله العظيم ياخوي وش موقفك فيذا الله يغربل شيطان سعادة حضرتك

ورى ماتوقف مثل خلق الله فالمسار الصحيح ولا لازم تكون الأول علشان تمشي

حتى لو كان مافيه زحمه تلاقي مثل هالتصرفات ودي اعرف هل ينقص من كبريائك شي

اذا وقفت خلف سياره قدامك <<< هههههه والله يا أنا منغث من هالموضوع بقوه

نجي لتصرف ثاني مدري وش اقول عنه ارعن شويه عليه اهبل برضه ماتكفيه

همجيه قربت شوي تدرون عاد كلهن فيه

التصرف تلاقي هالشخص موقف وين قدام الأشاره بثلاثه متر ويمكن ازود حسب الغباء

ليه ماتدري ??? وشلون تعرف ان الاشاره فتحت مهوب شغلي فيه ناس راح تعلمني اذا فتحت

وشلون ??? اذا سمعت صجت بواري أو هرنات أو كلكسات

أو اي شي من هذا القبيل <<<< أرفق علينا ياسيبويه

التصرف الثالث قمه فالذوق ولابد ان يدرس للأجيال القادمه

وهو أنك تجي حضرتك وفي هدوء وسكينه ويمكن مشغل ميوزك هادئه

وداخلك مع شارع وماتدري الا وفيه سياره ساده الطريق وبابها مفتوح ونثنق اني بدي هير

لاحول ولا قوة الا بالله وش صاير عسى ماشر بكل ادب طوط بعد شوي طيط طوط

تقول في نفسك يمكن الرجال هاج من سيارته فيه احد يلاحقه او الرجال مصخن وناس خذوه

وأسعفوه اكيد فيه شي ولا وشلون يترك سيارته ويسد الطريق فوضه هي ???

تبي ترجع ماتقدر فيه سيارات وراك والشارع ضيق وارتفعت الاصوات وبدت الناس تنزعج

وتجيك كم كلمه يحسبونك انت اللي ساد الطريق تنزل منفعل ورومنسيتك راحت في خرايطها

تحاول تركب السياره اللي قدامك وتحركها وتفك عمرك ??? مافيها مفتاح طيب وبعدين

تستغفر ربك وتحاول تمسك أعصابك ومالك الا الصبر وتصير تنظم السير بقدرة قادر

علشان كلو يرجع يمين يسار بس ارجع عدل قدم وفي خضم هذا المعترك السياراتي

تلوح في الأفق بادرة أنفراج عندما تلمح شخصا يهرول بأتجاه السياره المغلقه للطريق

وعلى محياه ابتسامه بريئه وهو يلوح بيده معتذرا <<< ورى ماتقلبها سديراوي أحسن

الأخ قاعد يتقضى أغراض لبيتهم ولا لقى موقف قريب وش دعوه معصبين عليه







رد مع اقتباس
قديم 18-06-09, 06:20 PM   رقم المشاركة : 2
السهم
مشرف سابق
الملف الشخصي







 
الحالة
السهم غير متواجد حالياً

 


 

رد: تصرفات بالقياده ترفع الضغط والسكر وتجيب العقنقز

يارجال وسع صدرك

والله من المواقف اللي تصير

خذ عندك

واقف عن الاشاره او فيه زحمة وانت تنتظر عشان تشمي ويطلع لك واحد من اليمين والا من اليسار ويبي يسقط عليك وتلقاه يلوح بيده وكأنه ظامن انه بتسمح له بالمرور وبكل وقاحة وقلة حيا يسقط عليك وانت لك فترة تنتظر عشان الطريق يمشي

الله يوسع صدرك اخوي حفراوي بطناوي خليتنا نفضفض شوي

احترامي







التوقيع :
أحب الاستماع إلى الكذب ... عندما أكون متأكداً من الحقيقة !!


رد مع اقتباس
قديم 18-06-09, 08:00 PM   رقم المشاركة : 3
Dr:Fairouz
عضو نشط
الملف الشخصي






 
الحالة
Dr:Fairouz غير متواجد حالياً

 


 

رد: تصرفات بالقياده ترفع الضغط والسكر وتجيب العقنقز

ايه والله ناس ترفع الضغط

اخوي الي اول متوسـط ماشالله عليه سواقته واخلاقـه احسن من نـاس واجـد.
الله يعينك شكلك مـره منقهر .







رد مع اقتباس
قديم 18-06-09, 08:20 PM   رقم المشاركة : 4
ناجي الحفراااوي
العضوية الفخرية
الملف الشخصي







 
الحالة
ناجي الحفراااوي غير متواجد حالياً

 


 

رد: تصرفات بالقياده ترفع الضغط والسكر وتجيب العقنقز

الله يعين ياغالي

ثمل هذه التصرفات نشاهدها كل يوم خاصه التصرف الاول

واللي للحين منزعج منه ولا اعرف سببه!!

يعني الاشاره ثلاث مسارات والمسار اللي على اليمين معروف انه يبي يروح يمين

لكن بعض الناس توقف فيه وتطلع على طول او ياخذون فوق تحت بعد

عندنا بعض الناس وربي ماتعرف شي اسمه سواقه

لكن اهم شي نبتعد عن الانفعال حتى مايصير شي نندم عليه.







التوقيع :

رد مع اقتباس
قديم 18-06-09, 08:32 PM   رقم المشاركة : 5
أبو سعود 2009
عضو برونزي
الملف الشخصي






 
الحالة
أبو سعود 2009 غير متواجد حالياً

 


 

رد: تصرفات بالقياده ترفع الضغط والسكر وتجيب العقنقز

هناك اشخاص يريدون توعيه مروريه



تقبل مروري







التوقيع :

أصحاب العقول الكبيره يناقشون الأفكـــار ...
وأصحاب العقول المتوسطة يناقشون الاحـداث ..
وأصحاب العقول الصغيره يناقشون الاشخاص ...

رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 10:09 AM


Powered by vBulletin® Copyright ©2000 - 2018, Jelsoft Enterprises Ltd.
تعريب :عاصمة الربيع

تصميم وتطوير سفن ستارز لخدمات الاستضافة والتصميم