هذا اللي صار معي بخصوص المركزي .. تفاصيل اكثر ..تفضل بليز ؟؟؟

[كونتراكت]

السلام عليكم ورحمة الله وبركاته

فرحنا كثيرا بمشروعي المستشفى المركزي والولادة نظرا لأننا أبناء هذه المدينه لتوفر ألاف الوظائف في المستشفيين

لكن الفساد يفسد فرحة من يتمنى

كتبت في هذا المنتدى لأنه الناطق الاول باسم المدينة .. لذلك اقرؤا " كيف تم رفضي من المستشفى المركزي "


اولا :

انا جامعي احمل شهادة الهندسة _ تخصص هندسة حاسب الي _ المعدل : 3.6 من 5

مبتعث على حساب الدوله .. قبل اصدار برنامج خادم الحرمين الشريفين

حاصل على دورات : NTC _
progarm SAP _
Dealing with the projects _

تخرجت 2011

هذه السيرة الذاتيه


قدمت على المستشفى المركزي وبعد اسبوع كتبوا في الموقع تم الغاء طلبات التسجيل وذلك كان الاسبوع تجريبي ( قلنا اوكي مع هذه نقطة سلبيه فيهم )

جيت بقدم ثاني مرة رفض الموقع بسبب رقم السجل المدني موجود ( طيب كيف موجود والاداره تقول تم الغاء جميع الطلبات .. وبعد هذه نقطه سلبيه فيهم )

مالقيت حل الا اني احتال حيله شريف .. قدمت ثاني مره بس غيرت اخر رقم من سجلي المدني علشان يقبل الموقع .. وفعلا قبل الموقع وسجلت وكل شي تمام

وقت المطابقة .. طابقت الاوراق وكل الامور على مايرام

بعد 4 شهور تقريبا دق شخص على من المستشفى . واشهد بالله ان انسان كفو وشريف مع العلم اني ماعرفه

الشخص : الو

انا : هلا

الشخص : الاخ فلان بم فلان

انا : نعم .. امر

الشخص : مايمر عليك عدو ... انا من الاداره الصحية من حفر الباطن

انا : حياك الله اخوي

الشخص : الله يحيك .. والله الموضوع ان المتقدمين على وظيفة " مدير الحاسب الالي " في المركزي 8 اشخاص وكلهم دبلوم الا انت بكالوريوس ( مع العلم ان من الشروط اللي في الوظيفة لايقبلون دبلوم )
وانت المرشح الاول

انا : من الفرحة طرت .. الله يجزاك خير

الشخص : بس هناك مشكله انك مسجل مرتين .. لازم تجي السبت تتكلم مع العادي

انا : مرتين !!! .. اخوي مسجل مره وحدة بس انكم الغيتوا التسجيل الاول والموقع رفض وسجلت ثاني مره وغيرت الرقم المدني اخر رقم بس

الشخص : بس تم رفضك بسبب تلاعب في التسجيل هذا المكتوب في ملفك .. تجي السبت وتتكلم مع اللجنه ..

انا : ان شاء الله والله يعطيك العافيه


جيت السبت دخلت على اللجنه .. وكان العادي موجود وهو معه ملفي

قال : انت مسجل مرتين

انا : لا السالفه كيت وكيت وكيت .. وانا لو اني متلاعب كان سجلت بمستشفى الولادة بس انا ركزت على المركزي وبنفس طلب الوظيفه

قال : على العموم هذه نقطه تحسب لك لان كان فيه لخبطه بالتسجيل .. وهذا ذكاء من عندك .. بس حنا رفضناك عدم وجود خبره (( اااااه يالخبره اللي تحطم الواحد ))

قلت : هذه معك حق بس الخبره غير موجودة واذا كان هناك فساد اداري في المملكه ترا الي مثلنا مايكسبون خبره

قال : حنا بنحاول نرفعها للرياض بس متاكدين يجي رفض .. ان شاء الله خير

قلت : خير ان شاء الله .. سلام عليكم


والان تم رفضي بسبب ذلك



والارزاق بيد الرحمن .. ماتوقف على المركزي بس قهر تروح وظيفه وانت مرشح لها وعند اهلك وبسبب ( تافه ) .. ومامعي ( واسطة )


شكرا من الاعماق لمنتدى عاصمة لربيع

[فوآز آلحربي]

ياولد هذا فيه واحد من الربع معه شهاده بكالريوس ياخوفي يرفضونه دامه مامعه خبره


لكن بيض الله وجهك على كتابة الموضوع وعسى الله يرزقك في اي مكان تتمناه

وانا اخوك قدم على كل شي والرازق بالسماء

تحياتي لك

فواز الحربي

[ليووووونة]

شكل الوظيفة (مسفوطة) لواحد ثاني , وتحججوا عليك بالخبرة ..........

[احمد الغشم]

اخي الكريم اذا تبي تفتح مكتب هندسة وعنك قدرة على الشغل الحر
ومنتجات الحاسب انا اساعدك بالدعم المادي

[الحوسي3]

الله يرزقك خير منها

[سالم@]

الله يرزقك في احسن منه وهذا دليل على الواسطات

لا تسكت عنه انت اولئ بالوظيفه من غيرك

[خويهم]

اخوي المقاول ( كونتراكت )

اعنقد انك تحتاج لدورة في المقابلات الشخصيه

من خلال كلامك وسيرتك الذاتيه اعتقد انك ما احسنت الكلام معهم

وهم اكيد بيكتبون هالشي .

لذا ,,,

اسئال الله لك التوفيق وان تكون هالوظيفه من نصيبك

ومره ثانيه قل لهم ان عمدك دورراااات تغني عن الخبره بحكم انها تخصصيه

وجادلهم باللتي هي احسن وركز على انك متخرج جديد ولك طرق راح تظفي لهم

الشي الكثير وافكارك تطويريه وانك تقبل التعلم وانك متفهم لهم ....

كذا تخلق لهم جو وتعطي نفسك حقها

الله يوفقك ,,,

[سواد الليل]

الله يرزقك بأفضل منها

[فـ ح ـــــراوي]

انا دبلوم عالي حاسب الي 3 سنوات
ومقدم نفس الوظيفه قالوا اللي قدموا بس 8
عندي دورات حاسب خارج المملكه وداخلها
خبره اكثر من خمس سنوات
وصيت يمرهم واحد من الشباب لاكن قالوا له
الخبره مو نفس المجال واستبعدوني
مريتهم قالوت نبغى بكالوريوس
هههههههههههههه
الشكوى الله

[قاررئ]

بالتوفيق ان شاء الله