هذه من أجمل القصائد التي أتت بها الراااائعه تسواهن وحبيت أذكّر الأعضاء بإبداعاتها وأستعرض مجاراتي المتواضعه لها ... فأليكم هاتين القصيدتين :
الله خلقني فوق.. بأعلى مبانيــــــــــــه..
كيف أنزل الواطي ولي منزل عـــال
عزمي وصدقي..صدق..باسمى معانيه..
بي عفة المهره وبي روح خيــــــــال
وحدي وصلت العز لاخر موانيـــــــــــه..
انثى... ولكن عن الفين رجـــــــــال
واللي يروح.. يروح ..ما والله ابكيــــه..
اقط راسي..لوخطر لي على بــــــال
ماارد للجاهل ولااسمع حكاويــــــــــــه..
حياي يمنعني عن القيل والقـــــــــال
كل يبي قلبي وانا القلب مااعطيــــــــــه..
نفسي عزيزه ودونها بحور واجيـال
مافيه منهم من تشد الظهر فيـــــــــــــه..
متقاسمين الكون كاذب ودجـــــــــال
مجاراااااة الوطني ...
ياللي خلقك الله بأعلى مبانيه
لك حق ما ترضين بالدون منزال
ولك الفخر بالصدق لا حل طاريه
ولك الشرف إن عفتك راس الأموال
مير البلا سيل ٍ على غير واديه
يصطح اكبود ويجرح اقلوب وارجال
من تل سيف العز يا بنت بيديه
لابد ما تلقين من حوله أبطال
وإنتي هرجتي هرج ما أقدر أعديه
إلا أن قومك ماهم لقومي أمثال
وشلون أنثى تقدر العز وتجيه
العز يا بنت الاجاويد بجبال
ماهو سواليف ٍ على غير توجيه
ولاهو قهاوي من فناجيل ودلال
عقلك رزين ٍ مير بانت بلاويه
وحياك ما رد المناقيد تنقال
وقلبك عقب هرجك فعزي لباغيه
كثر التعالي يودع النفس بإذلال
ويا كثر مابالكون ناس ٍ تقديه
مير البلا عينك بكاذب ودجال