أحد محاولاتي الشعريه أتمنى أن تحوز على إعجابكم رحلـــة النسيـــــــآن تقوله وأنت متربع حبيبي داخل الوجـــــــدان كبر حبك مع الأيام ومنه الصدر ماضـــــاقي غرامك ياوطن عمري وطن مايشبه الأوطان وطن مابه من السكان سوى حبي وأشواقي تغلغل داخل عروقي مشى بدمي مع الشريان يغذي الروح من جوده وينبض فيه خفــــــاقي مشيت دروب لعيونك قطعت أوطان تلو أوطان ورجلي ماشكت دربك وشرهتها على سـاقــي رسمتك لوحة أحلامي بريشــة عاشق ٍ ولهان ودعــــواتي لهــا برواز وشلتك داخل أعماقـــي عطيتك كل ماأملك وغلفت لغلاك أنســــــــــان نعم قدمت لك نفسي هدية لشخصـــك الراقـــي سبحت سنين في بحرك بلا وجهه ولاعــــنوان ولكن ثارت أمواجك وكانت تـــنوي أغراقـــــي حسافه كيف ياخلي بديت برحلة النسيـــــــــــان وعيني تبكي الفــــــرقا بدمع ٍيجرح أحداقـــــــي نسيت أحلامنا البيضاء نسيت الشعروالألحـــان نسيت الضحكه الحـــلوه ونور الشمس شـراقي نسيت عهودنا الأولى نسيت أنه ومهمــا كــــان بيبقى حبنا الباقي ولانســـــــــأل عن الباقـــــــي حبيبي لو تعرف اللي جرالي من ورى الهجران عيونك من حسايفـــــها تهــــل الدمع حراقـــــي ورغم اللي حصل منك ورغم الصد والنكـــــران كتبت أسمك على قلبي وبـــــــان بكل أوراقــــي (( شجر حبك بقى واقف ولوماتت به الأغصان ويبقى جذعه الصامد برجوى قطرة الســـاقي )) دمتم بود
صح لسانك
[align=right] غرامك ياوطن عمري وطن مايشبه الأوطان وطن مابه من السكان سوى حبي وأشواقي الله عليك يَ الفيصل مبدع مبدع مبدع بِ الثلاث ..: شآعر جميييل يَ أخي ألف صح لسآنك وكآن هذي محآوله تكفى كثر من محآولآتك :) دمت ,[/align]
AL-FAISAL أتيت كـ/ السيل فااض بمشاعر الروح ... وبمشاعرنااا رددتها كثيرااا صح حرفك .. واحساسك : : :
صح لسانك .. شاعر رائع ولا تقول محاولة لأن واضح إن لك باع طويل بالشعر .
هذي مو محاوله هذا ابداع ويعطيك العافيه ونتمنى المزيد وصح لسانك
وحدي أنا صح بدنك ولاهنت يابعدي
نايف الهاملي وجودك بحد ذاته شهاده أعتز بها فمابالك بإشادتك تقبل الود والإحترام
ريم النواااظر صح بدنك يالغلا مرورك أسعدني راقت لي الصوره كثيرا ً تقبلي أطيب الأمنيات دمتي بود
وليف الليل صح بدنك يابعدي كلامك شجعني كثيرا ً دمت بود
محاوله شعريه
العرض العادي
