على حسن الحظ كنت صدفة
وكان حظي معك ... بلا ميعاد
كنت جدا قريب
ونظرتي لك .. كانت بعيدة
كان الفرق بس .. ( موت وميلاد )
في ليلة .. كنا بها أصحاب
كنا ... يمكن أحباب
وكل الليالي تحسد ليلتي
بلا إنصاف ( الكل حساد )
لقيتك وما لقيتك !!
وجودي بالوصل .. زاد فيك ابعاد
لقيتك
وعلى حسن الحظ غنيت طرياك
يوم جيتني وأنت مقفي
كذا في الحلم .. شفتك
وشفت قربك في البعد يزداد
متناقضة كل صورة
رسمها الحظ وياك
متناقضة كل خطوة
لشوفك ولقياك
! مدري !
مدري ليه تجذبني
وموتي بعينك أعياد
على حسن الحظ أناديك
وما أنتظرتك تجيني
أنا لك جيت
بيدي كفن ... وبعيني عناد
أعاند الوقت
وهو اللي يمك سرابي
وسرى بصدفتي
لحسن الحظ
من كف و عيون
و بسمة ودخون
لحرف ,,
بين أوراق ومـداد
على حسن الحظ
أحييتني عاشق
ودفنت كل أحلامي هناك
بوسط باريس غربة
وعيونك لي بلاد
على حسن الحظ ما مت
قبل أقول أني ( أحبك )
ولا مت قبل أشوف الحب
في عيونك يحضني
بياضٍ في سواد
لكم ودي,,, [ غربة مكان ولا غربه احساس]