[align=center]ميراجوه ياكابتن
تدري ماهو أحسن تعريف ينطبق على طيار مثلك ؟ هو : قلبه حديد وراكب ٍ له حديدة !
وينك لي مدة ماجاني خبر عنك ، عسى ماشر أيها الملاح ؟
أقول يازين الحديدة ، أو العجرا .. وأبزخك على نافوخك لما يغني بطنك
وبزخ يبزخ بزخا ً ، من البزخ .. ومؤنثه البزخة ، أي : الضربة القاضية !
ولايهون ( ابو مالك تايسون ) ! ومايبزخونك ياهالوجـه
فهمت ، وإلا عمرك مافهمت .. يارجال أنت وش يفهمك باللغة العربية
غسل نافوخك نيوتن ، قال ايه قال : التفاحة ليش ماسقطت إلى الأعلى !
الحمد لله والشكر ... هذا من صجــه والا مستخف دمـه
على العموم ياكابتن ، عندنا وعندك خير، حتى حنا دوخنا سيويه، ماخلا أحد ماأعطاه تفاحه
أكل الولد التفاحة ... وسرق ميراجوه تفاحـة
هههااااي ، تكفىىىىىى .. هذي مناهـج والا أسواق خضـرة ؟
أقول ... أشوا إنهم مالحقـوا على (البردقـانـه) ، تسـان علـوم ٍ توطـي الهـدوم !
عزيزي ميراج ...
وسـع صدرك ، يكفيني انك تقرأ من أوراقي قبل النوم .. يعني أوراقي قريبة...
تحت المخـدة .. الوســادة ... كلي لك ياميراجـووه.
مدري ليش ياجدي ، كلما يجيبون هالطاري يرتبط عندي بطاري آخــر .. طاري :
مليح السجايا .. مدعوج الأعيان .. مايس القـد .. ناحل الخصـر .. ضامـر السرجـوف !
أشوفك نقدت علي أنت وخشتك ؟ طيب .. دعـنـي أكمـل ..
ماذا قلت ؟ اممممم.. حاضر ياسيدي .. الخشـة هي الفـرّه
يقول الشاعر :
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
قالوا : تحبه ؟ وقلت : المـووت * * * ياجـد جـدي هاك الفـره
لامن ذكرته : زعجت الصوت * * * أصيح والنفـس محـتـره[/poem]
معقوله ماسمعت أغنية فيروز : حبيتك بالصيف .. حبيتك خـشــتــــي
المهم ، مادام النفس محتـرة ، لاتلهدني بكثرة الأسعلـة.
يابعدهم .. أدري ان المخـدة جماد ، ومليح السجايا كائن حي ، وليس بينهما أي إرتباط
بس .. مير .. لكن .. الكائن اللي يتمشكل مع جمود الوسادة ، فإنه يسمعها تصيح
كنها بعضه ، وبعضه .. وين هـو ... من هـو معـــه ؟!
يعني : يوجــد قاسـم مشتـرك ، وهـو : قلة النـوم. وحول هالمعنى يقول الشاعـر :
[poem=font="Arial,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لله أول عباده ، ماأنـت فيهـا شريـك= يـا(مليـح السجايـا) ، وأنـت: ثانـي عبـاده
لو حلوم ٍ تجيني في منامك تجيك= كان حـاربت شي إسمـه : فراش و(وساده) [/poem]
منـذ المبـطـي البعـيــد ... وأنا أشتاق إليك ، وأرغب في كتابة بوح ٍ يليق بشموخ قامتك
ولكن ، كلما أدرجت إسمك على الورق يأبى الكلام إلا السكـوت.
أحيانا ً ياصديقي ، تمر بي لحظات تشعرني بأن أحداث الدنيا مجرد خرابيـط ...
ولا أدري إن كان لتلك المخدة الجامدة دور في هذا التصـوّر الغريب !
وفـتــّــكــــم بـعــافـيــــة[/align]
.