[align=center]الفارس
فديتك على جمال الإضافة ، وروعة معانيها .. والله لايحرمنا تواصلك يابطل
بصراحة ، صعب نكتب عن الحب الأول .. ولكن ، بما أنه الحب الأول فبالتأكيد أنه لاينسى
في الغالب ، يكون أول حب عبارة عن مرحلة طيش وجهل .. وإحساس جديد وغريب..
يصعب على الإنسان فهمه ، لأنها المرة الأولى التي يتعامل فيها مع أحاسيس ومشاعر.
الحب الأول ، نعايش من خلاله أمور كثيرة ، تقوي من أحساسنا فيه.. يعني مثل :
السهر .. والطفش .. والألم .. والبكاء !
أول مرة ، نشتاق للموعد .. ونشعر بقيمة الساعة .. ونجرب لوعة الإنتظار !
ونسامر القمر والنجوم ... ونسهر إلى الصباح !
بدينا نشخبط ، بشكل عفوي وعشوائي
تعلمنا نكتب رسائل .. توصل .. ماتوصل ... معاناة
مع الأيام ، تزيد الشخبطة .. ياااااه ، هالمرة خاطرة .. وهالمرة قصيدة !
نسمع الموسيقى ، بشكل مختلف .. بعضها يحرك الوجدان .. وبعضها قلق ، يخرب المزاج !
أصبحت القراءة هواية .. زين وشين !
أشياء كثيرة ، تجعل الحب الأول .. حب لاينسى أبداً
لوحبينا بعد كذا .. فسوف نكون أكثر تفهماً للواقع ، وإستيعاباً للحب.
مع بقاء الحب القديم في الوجدان.
يعني ، ماهو مستحيل إن الإنسان يحب من جديد .. حب أقوى !
لكن الكارثة ، إذا كنت أنت تمثل الحب الأول بالنسبة للطرف الآخر !
هنا ياصديقي ، لازم تفهم إنك طحت وماأحد سمى عليك
ولازم تفهم ، إن الخواطر مثل الزجاج : كسرها لايجبـر !
وسع صدرك ، ولازم تتأقلم .. أهم شيء إن الطفلة ماتنام وخاطرها مكسور !
إذا زعلتها .. وجلست تبكي أمامك .. لاتقلبها ثقل ، وتكانة ، وماهمك شيء ..
يعني ، جاوب لحنها .. على نفس المقام .. لين يصفي راسك.
ــ حبي
ــ لاتقول حبي !
ــ إلا حبي ، وأموت فيك
ــ وأنا ماأحبك .. ماأحبك .. ماأحبك
ــ أوكي ، حتى أنا ماأحبك .. ماأحبك
ــ ياويلك ..! ماتقـدر .. !!
ــ وأنتي ليش تقدرين ؟
ــ أنا .. كيفي .. كيفي .. كيفي .. !!
يوووووه ، إذا إختلط الضعف والجبروت في منظر واحد .. وش تسوي ؟
والله من قل الدبرة يابو فارس !
بسيطة ياصديقي ، حاول تجمع عشر جوالين وتربطها بحبل .. وحط رجلك مع هالشوارع !
[poem=font="Arial,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
دكتور .. جينا لك تعالج مرضنا= لقيناك يادكتور تحتاج دكتور
أنا وانت .. مانقدر نعالج بعضنا= ومادام ذي حالتك أصبحت معذور[/poem]
وفــتـــّـك بــعــــافــيـــــــة
.[/align]
.