[align=center]وش فيني هالليله..؟؟
قلبي..كثرت تعاليله..
والضيف ليل..أهداني سماه..
..ومسامري نجم..
يشكيلي..وأشكيله..
والجروح..ليتها جروح..!!
..ماهي مسافات الألم..
بين الحياه..ومنازع الروح..
ماهي يتيم تلفظه..
بسمة الدنيا ..وتذمه..
وان شكى..
..لمنهو شكى..؟
وين ابوه..وينها أمه..؟؟!!
كني حطاب فقير..
..باع خمس الدقايق..راحه..
يرسمها فاسه..
على خمس الأصابع..وراحه..
لأجل ضحكة سن..
من شفاته هالصغير..!!
كني..وكني..
..وكني...
آاااه ياكثرها اسفاري..
..مع ارواح المساكين..!!
مع نسايم..مع رياح..
..مع عواصف..هالعواطف..
عجزت أجمع شتاتي..
..وكل فكري..بعثره..
وان قدرت أفهمه بعضي..
يجيني بعضي..وينثره..!!![/align]