نداااااء

[حنين 11]

نداء للمسوؤلين بحفرالباطن نحن اهالي حفرالباطن نعاني من عدم وجود منتزهات للترفيه فلايوجد لدينا الا بودل لاند 00 وحديقه الملك فهد وحديقه الملك فيصل وهن اشبه بصحراء لااهتمام ولاالعاب ولاخدمات 00 نطالب وبالحاح حل هذه المشكله نريد مثل منتزهات الرياض والدمام وجده 00
ارجوكم تفاعلوا معي ياهل حفرالباطن فلن يحس بالحفر الا اهلها 000

[الكاتم]

[align=center]شكراً على اهتمامك ومطالبتك نعم ينقصنا الكثير من المتنزهات

وبالأخير وضعوا لنا منتزه ( الممشى ) على طريق الشمال ينقصه الكثير ؟؟؟؟؟

من( دورات المياه) حتى كنت فيه ذات مرة واضطررت للعودة من اجل دورات المياه ؟؟

وأيضا مضايقة الشباب وعدم الاهتمام بالتنظيم والنظافة !!!!!

فنرجو من المسئولين الاهتمام بالأمر وتوجيه العناية له ،،،[/align]

[FaHaD.]

مكتوب امس في جريدة نيويورك تايمز انهم يدرسون فتح ملاهي ديزني لاند فرع لهم في الصفيري ولا ام قليب

[بدوي فاهــم]

لاحياة لمن تنادي.....................,,,,,,,,,,,,,,,,,,,,,

[آخر الوقت]

الصفيري او ام قليب مايعيبهم شي وبعدين كثير من المدن الصغيره والقرى في اوربا وامريكا
قامت وازدهرت على وجود ملاهي او جامعات او منتزهات والشواهد كثيره

[حنين 11]

ليش يااهالي حفرالباطن ماتتفاعلون معي ونطالب بمنتزهات لنا وحدائق ,, الحفر مو لاقيه اهتمام 000
من المسؤل عن هذا التقصير ؟؟؟؟
00 ارجوا ان يصل ندائي للمسوؤلين عن الحفر ويصل لرجال الاعمال 000
سكان الحفر في تزايد ولكن المنتزهات كماهي لم تتغير وعددها واحد فقط وهي بودل لاند 00 والباقي اشبه بصحراء 00

[عيون الشقاوي]

وتقولون ليش البلدية ما يحطون العاب بالمنتزه ((على طريق الشمال)) لأنكم لو تجون لممشى ابو موسى تعرفون وش السبب :

مجموعه كبيرة تقريبا 15 شخص بعقول اطفال واجسام كبار
قاموا يكسرون الالعاب هناك والله تمنيت ان كاميرتي معي علشان انزل الصور بالموقع .
فلذلك تلقى من يلوم البلدية بعدم وضع العاب .....

[محبوب بطبعي]

هلابك اختي الغاليه

الحقيقه انا من اهل الحفر وادرس في الاردن

لما رجعت للحفر شفت ممشي الشمال على بالي مضيع قلت بنفسي

وش جابني لديره هذي ماخبرها

وماصدقت اني لقيت الحفر متطور في بعض الشغلات

اختي انا اقف معاك ويدي بيدك وبصوت عال

بس لابليد حيله لان مدير بلديه حفرالباطن

انسان ياكل الاخضر ول يابس مايخلي لنا شي

تاتيه كل اخر سنه مبلغ وقدره من زفلته شوارع ومن منتزهات وحدائق

لان ماقول الا حسبي الله ونعم الوكيل

له يوم الظالم يجيه الاظلم منه

الحفر وربي مدينه رائعه جميله اهلها ناس طيبه ويكفي اني منهم ونتم منها


لاكن لو نسوي معروض ونعرضه على الديوان الملكي راح تشوف تغير جذري


اختي الغالي دمتي كل الود


تمنياتي اني ارجع لديرتي سالم معافى

//

[سليم الشرعان]

مايصلح عندنا شي
الممشى سووه ملعب
والعوائل لا يستطيعون يأتونه من كثر الشباب الذي لاحاجة لهم الا مضايقة العوائل

[حنين 11]

الاخ اللي يقول مايصلح عندنا شي ليه ههههههههههههه ماله داعي هالكلام 000
اهل الحفر يمكن فيهم اشخاص غير حضارين ولكن ينعدون على الاصابع حرام نشمل الكل بهذا الكلام 0000
فالي يهمه الحفر يطالب معي مدير البلديه ومحافظ الحفر وكل المسوؤلين بعمل منتزهات وحدائق لاهالي حفرالباطن 00000
00 ارجوا التفاعل فالموضوع مهم لنا فهذا حق من حقوقنا لن نسكت عنه 00
00 ضموا صوتكم لصوتي من اجل الحفر واهله 0000