من لديه خلفيه عن اسعار سيارات النقل " دينا " ؟

[جروح الذاكرة]

صباح الخير

نتمنى أن يكون في المنتدى فريق او لجنة لتقديم الإستشارات الإقتصادية من غير الاسهم طبعاً ، يعني مثلاً شخص يرغب في إنشاء مركز تجاري أو فتح مؤسسة ، يتم تقديم المشورة له والإجابة على الأسئلة التي يوجهها إلى الفريق الإستشاري .

على العموم أنا بحاجة لأسعار هذا النوع من سيارات النقل " دينا " ، عن أفضلها من ناحية الموديل والنوع مع السعر . وماذا عن مشروع مؤسسة نقل ، نقل العفش مثلاً هل هناك من أحد دخل في مثل هذا المشروع ولديه الخبره الكافيه للإفادة أم لا ؟ . انا بالدمام والمشروع مُربح حسب ما سمعت خاصة بالمدن الكبرى ، وأنا من النوع الذي يعمل ألف حساب للخطوة الأولى لذلك طلبت إستشارتكم قبل البدء .


وشكراً جزيلاً


فتكم بعافية


جروح الذاكرة " بيجيب العيد قبل الرمضان "

[العزيزيه (ب)]

عسى الله يرزقك من حيث لا تعلم وانا والله لا اعلم في التجاره
وان شاءالله الي عنده خبره مو باخل عليك فيها ولكن اخي الكريم
الدينات في الدمام انا الي شفته ان شغلم ماشي وخاصه الي عند الحراج
انا اذكر شريت من الحراج مكيف سنترال وما كفته السياره وجابه من الدمام للحفر بـ 400 ريال
مشوار واحد فقط
ومن غير التوصيل داخل الدمام هذى الي اعرفه واسمحلي على الاطاله
=== تقبل مروري

[جروح الذاكرة]

مساء الورد يالعزيزية " ب " . تراني بنفس الحي وينك عن الثانوية خخخخ

الله يرزقك ويرزقنا جميعاً الرزق الحلال الطيب .

بالنسبة للموضوع :
فيه مؤسسات وشركات بالشرقية تستأجر الباصات وسيارات النقل ، بحدود من سبعة آلاف إلى عشرة آلاف بدون السائق . لكن مشكلتهم إنهم ثلاث شهور ويفلشونها لك ثم يطالبون بموديل جديد ولا خذ سيارتك ووخر عنا خل نشوف واحد غيرك . أنا أفكر أقوم بتأجيرها على سائق أفغاني وهالسائق يتعامل مثلاً مع محل مفروشات او يكد عليها داخل الديرة . شخص أعرفه يقول أضمن إن هالسائق راح يطلع 000 10بالشهر ، يعني اليومية تقريباً 400 ريال . الافغاني راح يطلع الوف من وراء هالشغله وراح يعتني بالسيارة خاصة اذا عرف انها مصدر رزقه . من زود الإعتناء بالسيارة اتشوف بعضهم يحط عنقود عنب وبرتقال في المرايه الداخلية للسيارة خخخخخ

بس ابي إفادة من شخص جرّب هالشغله حتى أسألة عن بعض النقاط

[قرقع]

افضل الدينات الايسوزو

وارداهن الهونداي

عليك بالايسوزو والديهاتسو والمستوبيشي لو ان قيرها فيه عله

الايسوزو تحصل موديل 2008 بحدود 75 الف الى 78 الف لكن لك وللعمر حتى الموديل القديم منها عملي بقوه


عندي هندي شغال بالدمام يمدح سوقهن ويوم قلت له اخذ لك وحده من الوكاله وتدفع لي 6 شهري تخوف الرجال ولا عليهن شغل بقوه


اما الافغاني والسوداني مايدفع لك اكثر من 3500 ريال بالشهر

كم راس مالك وانا اشوف وش الي يناسب راس مالك


وبالتوفيق

[جروح الذاكرة]

مساء الخير قرقع

قبل كم يوم وقفت عند الإشارة ووقف جنبي سوداني على دينا ، سألته عن نوعها ؟
قال : ايسوزو والموديل 2005 وسعرها يقول من 55 الى 60 الف ، أحدهم يقول : الموديلات القديمة شوي من 2002م و2004 كويسه وتكد . أنا عندي 60 الف .

بس بسألك يا قرقع

سمعت إن لازم اطلع كرت تشغيل ، ما أدري كيف الطريقة ، ووش تنصحني فيه هل يبقى العامل يكد داخل المدينة ولا أسمح له يطلع فيها مثلا للرياض والقصيم ؟ . واحد يقول لي انتبه لا ينكبك هالسواق ، لأن فيه افغاني هرّب على الدينا ممنوعات وتم سجن الكفيل اللي هو مالك السيارة . يعني تنصحني أجيب سائق عن طريق واحد يشتغل في محل مفروشات ولا مؤسسة نقل عشان أضمن إنه ما يخنبق ؟ :)


والف شكر لك

[فراج العضيله]

دينا إيسوزو تقريبا 60 - 68 ألف ريال سعودي << لازم علشان يمكن تقول دولار هههههههههه
عموما
تجارتها مربحه يارجال ماعندك إلا تخلي باكستاني ولا سوداني يسوقها وآخر الشهر راتبك يصلك
المهم الله الله بحقوق العمـال
والله يوفقك أخوي جروح الذاكرة

[جروح الذاكرة]

حياك الله أخوي S a i F

أنا أذكر أيام العزوبية إذا جينا بننقل العفش من شقة لشقة ، ياخذون علينا 100 ريال وبعض المرات 180 ريال . وهذا الشيء بيني وبينك هو اللي خلاني أفكر في هالمشروع .

واحد من الربع يقول الإيسوزو حقت مشاوير طويلة للرياض والقصيم ، والميتسوبيشي داخل الديرة . وقال حجم ثلاث طن أفضل .

عاد أتخيل ان عندي ايسوزو مكتوب عليها من ورا " على بركة الله سيري يا سفينه " :) ويسوقها أفغاني عليه عمامة سودا .

والله من الفلوس اللي بيطلعها

شكراً لك S a i F

[معرّب الجدين]

الله يوفقك ويرزقك اخوي جروح

[جروح الذاكرة]

اقتباس: المشاركة الأصلية كتبت بواسطة غريب الروح    الله يوفقك ويرزقك اخوي جروح

جزاك الله خير ، والله يرزقك بحلاله ويغنيك عن حرامه

[قرقع]

لا والله ابعد عن 3 طن

واذا تبي تدور 3 طن خذ (( جاك )) صينيه تكد 5 سنوات وبعدها تشوف القربعه فيها وراس مالها من الوكاله مايتجاوز 33 الف موديل 2008 وشف وكيلها بالحفر معرض الجنوب

3 طن ماتشيل الا حموله خفيفه وان جتها طلعه حنت وونت

دام فلوسك 60 تجيب لك ايسوزو 2006 ونظيفه وخمسه طن وتكد معاك بكل شي

الدينا الان صنفت نقل ثقيل لازم كرت تشغيل ولازم رخصه عمومي ومكتب العمل مايعطيك عليها سايق والله البلشه وان كان اقامة العامل ماهي سايق عام مايطلعون له رخصه عمومي

كرت التشغيل امره سهل وتطلعه من الحفر من هنا

لا ماعليك من سوالف التهريب وهالخرابيط اغلب حقين المكده والخطوط ماهم يم هالسوالف

الله يوفقنا ويااك