ياليت اللي يلاقي في القصيدة خطاء املائي يوضحة بالرد
لاني من جنبها في الاملاء واخطائي كثيرة
........
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
عن الحفر قبل اوصله جتني اخبار= قالو ربيع الحفر ماله تواصيف
وامسيت وانا اتخيل انهار وشجار = وانصت لصوت الطير في مدهل الريف
كانت طموحي كنها ضلع سنجار = وحلام نومي لونها يشبه الطيف
حتى وصلت الحفر واقبلني اغبار = قمت أتلدد عنه بالوجه واصيف
يصفق عيوني الرمل من كل معصار = صفق المهبل لرجال المكاتيف
عظيت كف ايدي ندامة بما صار = على دياراً جوها للعرب كيف
وش جابني للحفر من ذيك الاقطار= اللي عليها رحمة الله مواليف
ياساكنين الحفر شدوا عند الدار = الروح يقتلها العنا والتكاليف
وانتم عرب بالجود والعز للجار = نعم الرجال الغانمة والمشاريف
نخوه ورفعة راس عزاً ومفخار = يشهد به اللي يحمل الرمح والسيف
هذي سواليفي بكم سر وجهار = احب مدح اهل الكرم بالسواليف
واللي يقلل قدر من يحمي العار = جاهل وللجاهل هقاوي مصانيف
من واجب الشاعر على نظم الاشعار = علم الحقيقة دون كذباً ولازيف
وهل الحفر ربعه قرانيس وكبار = رجال تدهن بالشحم شارب الظيف
ينبيك عن بيت الكرم شبت النار = وريحة البن من حديد المشاهيف
لظيف عند اهل الحفر كل مقدار = والخصم دمه عندهم ينزف انزيف
مقدامهم في حزة الشر جبار = ترفع له البيضا وصوت الغطاريف [/poem]
كلمات : اين عجلان
العرض العادي
