السلام عليكم ورحمة الله وبركاته
اخواني الاعزاء مشرفين واداره لهذا المنتدي والذي اعتبره منبر حر لنا لأننا ابناء عاصمة الربيع حفر الباطن .
موضوعي وبأختصار سريع . ايام الغبار اللي فاتت قبل اربع ايام او خمس ايام جتني حكه بعيوني وكالعاده رحت للمستشفي لان الوقت كان الليل . المهم كان الدكتوور اللي موجود هو الدكتوور .....؟ خلونا من اسمه الحين كتب لي الوصفه وهي عباره عن حبوب اسمهن...
اسم الحبوب >>>(( CHLORHISTOL )) طبعاً مضادات للحساسيه وعطاني قطره مطهره او معقمه للعين >> اسمها ريازولين ....؟
المهم والاهم طلعت القطره منتهيه الصلاحيه ولايزال تداولها في صيدلية المستشفي والقطره محتفظ فيها وربي مافتحتها لاني من خذيتها مادري وش اللي خلاني مافتحها يمكن الصدف واليوم جاء اخوي يشكي عيونه يوم جيت اعطيه القطره والا هو يقول لي قطرتك منتهيه ..؟
السؤال الان وش العمل والي متي الاستهتار في المراجعين وين الرقابه يامدير الشؤون الصحيه انتم اللي لازم تكونون مهتمين في صحتنا تعطونا ادويه منتهيه وربي صرنا مادري وش اقوول . المهم اللي عنده فكره وش اسوي يقول لي ويرشدني بالعربي ملينا من الوضع اللي حنا فيه الي متي التسيب والي متي الاستهتار والا متي والي متي ............؟
اخووكم / حفراوي اصيل