السلام عليكم ورحمة الله وبركاته,,,
وين المسؤلين عن تقاطع امن الطرق..؟ وهو تقاطع على شكل (T) وبدون مطاوب ولا اشاره
والله العظيم اشوفهم بنفسي اكثر من مره يخطفون من هالتقاطع مثل البرق , وربي خطر جدا
اللي يمرون منه مايعرفون البريك نهائيا والمشكله قدام امن الطرق , وتعال شوفهم الظهر وزحمة اللي جايين من القاعده مع اللي جايب اهله من المدارس
ياكثر مطابكم اللي مالها داعي عجزتو تحطون بهالتقاطع مطب!!!
بالمناسبة انا بأعتقادي انه مايصلح يحطون اشاره لان لو حطو اشاره راح يلقون اشاره ثانيه بعد مترات قليله , ((يعني مايمدك تمشي الا توقف لاشاره ثانيه))
حتى الاشارات سالفتها سالفه بالحفر خاصتا اللي عالستين , اوقات الاشاره (الارقام) غير منظمة , بعض الاشارات وقتها قصير وبعضها طويل!!! والله مصخره
الحفر صارت مليانه اشارات ممله جدا , كل هذا يرجع لتخطيط فاشل جداً جداًُ جداً
ولو تلاحظون اشارة تقاطع الفوزان اللي لاخذيت يمين مع الاشاره توديك ناحية السليمانيه , لو لاحظتو بالبداية كان عامود الاشاره تقريبا بوسط الشارع اقرب لليمين!!! فراحو يحلون هالموضوع فمدوووو الرصيف لييييين وصلوه للاشاره!!! يعني اختارو تضييق الشارع لحل المشكلة
طيب من البدايه ليش ماحطيتو العامود بأقصى اليمين وانتهى الموضوع!!!
والله شي مضحك جداً , انا اعتقد ان البنغاليين اللي يتشغلون بتركيب الاشاره وغيره هم اصحاب الفكره وكل شي على كيفهم ولاااااا معقووله هذا تخطيط البلديه!!!
وفي النهايه انا قلت بالبدايه الاشاراة اكثرت واصبحت ممله ويمكن بعضكم يقولون افضل اجل تبي الحوادث !!!
في حلول واللهي ابسط من كل هذا يعني انا مع الاشارات بس مو على امتداد شارع ستين يعني بعض التقاطعات اللي مالها داعي يغلقونها ويخلون الطريق (سيده) , ومو لازم كلها اشارات في حل يخلصك من الزحمة الا وهو الدوارات طبعا مع وجود مطبات ناعمة وسلسة ولوحات تنبيهيه عاكسة للضوع تنبه تحذر بوجود دوار , والله راح تصير الحفر روعه بس ماكو تخطيط
وشكرا