[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
تدري وش اللي يتعب البنت ياخوي..! = رجلٍ يخون اشواقها و المودة
إللي إلا احتاج الغلا صار نمرود = وليا شبع مما عطاه إسترده
البنت ريحانة غلا ... ناعمة عود = تبي لها رجلٍ ورث طيب جده
رجلٍ فعولة كلها جود في جود = ما يلتفت للي كفوفه تمده ...!!
رجلٍ إلا جته الليالي بمنقود = يتكى لها ما بيح الوقت سده
مهوب خبلٍ ما رعى للهوى عهود = وادناة ما عارض طريقه يرده
ولاهوب لاعلة ... ولاهوب ملهود = ولا شكوك ... و كلٍ طارئٍ يحده
ما اشين من الرجال لا جاك ببرود = وإن قال له ترف القدم شي صده
تبي لها براق طيبٍ له رعود = إن اجدبت يمطر على ريف خده
وإن نادته تكفى لقت عنده الفود = يشيل عزتها على قو زنده
كفه نفل ... وانفاس صدره لها عود = وظلاله الضافي بيدها تمده
البنت خد ... وقد ... ونواظرٍ سود = وريحة غلاً ... ياسعد من شم نده
البنت إلا ضحكت ثمرها لك ورود = يا خوي من يقطف نواوير وردة
واللي يهين البنت ناقص ...ومقرود = فرس غلا ... ماهي حمارة مكدة [/poem]
[align=center]......................
للشاعر/ عبدالكريم المهنا[/align]
العرض العادي
