[align=center]السلام عليكم ورحمة الله وبركاته
بمناسبة عيد الأضحى المبارك أعاده الله علينا وعليكم بالخير والبركات أقدم لكم عيديتي
وهي عبارة عن طريقتي بعمل السينابون
طبعا الطريقة ماإخترعتها من راسي لكني لقيت طريقتها بمنتدى وطبقتها ومن شهور وأنا ماشية على هالطريقة
مرة ثانية خواتي أقولكم كل عام وأنتم بخير وعساكم من عواده وكان فستاني بالعيد رصاصي بأحمر وو آسفة دخلت بموضوع ثاني خخخخخخ نرجع للسينابون ما عليه صايرة أضيع كثير ما أددري ليه يمكن بداية شيخوخة ؟ الله يستر 0
يالله نبدأ
حجم الكوب (( المقياسي 250 مل ))
المقادير
4 و نصف كوب طحين أبيض....+ كوب من خليط طحين الكيك الأبيض
ملاحظة: إحتمال تحتاجون زيادة شوي طحين وقت العجن
كاسين ماء فاتر
6 ملاعق حليب بودرة
2 ملعقة صغيره خميرة
ملعقتين طعام سكر
نصف كاس زيت
ملعقة صغيرة ملح
الطريقة
نخلط السوائل مع بعض + الخميرة و السكر
و النواشف مع بعض ( الطحين و الحليب البودرة)
ثم نضيف السوائل فوق الطحين و نعجن لحد ما تصير عجينة طريه و نتركها تخمر ساعه إلا ربع تقريبا
نكورها ونفردها بسمك نصف سم تقريبا<<< سم يعني سنتمتر لا تحسبوه شي ثاني
[align=center][/align]
[align=center][/align]وندهنها بشوي زبدة ونرش عليها القرفة المطحونة والسكر الناعم والكاكاو البودرة
وبعد كذا نلف العجينة مثل السويس رول ونقطعها
[align=center][/align]
[align=center][/align]
[align=center][/align]
ونرص حلقات السينابون على قصديرة مدهونة بزيت قليل أو صينية تيفال
[align=center][/align]
أنا مثل ما تلاحظون دايما استخدم صينية الفرن الكبيرة وأفرشها بالقصدير وقليل جدا أستخدم التيفال ؟؟ليييييش يابنات ؟؟؟؟ الشاطرة اللي تجاوب على السؤال
يالله نرجع للحلا ندخل السينابون الفرن من تحت ومن فوق شي بسيييييط علشان ماتتحمر كثير
وفيه ناس ما يحمرونها أبدا لكن أنا أخاف ما تستوي زين فأحمرها شوي
[align=center][/align]
بعد ما تطلع من الفرن نزينها بالهيرشي
والأفضل نزين بالنستلة بعد ونرش بعض المكسرات
أنا ماكان عندي نستلة ولا مكسرات فأكتفيت بالهيرشي
بالله عليكم وش رايكم بخطوط الهيرشي على الصحن هذا ما كأني بقناة فتافيت ؟؟؟؟
[align=center][/align]
انتهيت وإن شاء الله تعجبكم الطريقة وترا السينابون في الشتاء روعة ويدفي بعد
أستودعكم الله [/align]
اموووت بالسينابون بس علي كثر ماحبه بحياتي ماسويته
يا اطلبه من الزيزفون او اوصي البنات يسوونه
واعجبني السؤال
اتوقع الاجابه ان السينابون يكون دوائر مع الاستخدام يكون التيفال فيه اماكن الدوائر<<عليها مخ
او للي مثلي سودانيه
مايحتاج تغسلين الصينيه تسحبين القصدير وتقطينه
ربي يسعد قلبك
وكل عاام وانتي الف خير
وينعاااد عليك بالصحه والعااااافيه
[align=center]والله الحلا هو ردك يالغالية
ما تتصورين فرحتي يوم شفت ردك
وأنتظر باقي الغوالي
لكن ؟؟؟
إجابتك ؟؟ no no no
يعني لا ليست صحيحة
عموما كل عام وأنتي بخير أثير وتقبل الله منا ومنك صالح الأعمال
وش رايك تحاولين مرة ثانية
أنتظر الباقين [/align]
[align=center][/align]
رااااااااااااااائع ياوجود شرايك تفتحين قسم المأكولات بركن المرأه
أنا شايفه أنك ماهره وشاطره بالطبخ
[align=center]الرائعة أنت ياورود
كلك ذوق على هالمدح
لكني وأنا أختك لا ماهرة ولا رفلا جاية بالنص
عندي كم طبيخة وراح أسدحهن بالمنتدى
وبعدين بجمعلكم من هالمنتديات
تحياتي لك [/align]
[align=center][/align]
مآآرهـ رؤعه من يسوي لي سينآبون بهآلوقت
آنا بجآوب وان شاءالله صح << اقص ايدي
لان الصينيه كبيره وتآخذ عدد آكثر وعشان السينآبون يآخذ راحته لما يتمدد <<
تسسلم يدينك والله
وبالعافيه عليكم
لاعدمناااكـ يارب
دمتي
’,
[align=center]الله يسلمك ويعافيك يانعومة السكين >>> تدرين إن اسمك يخوف
لا عدمنا ردودك الحلوة
ولا تقصين يدك ولا شي لأن أجابتك صحيحة لكن لا تعلمين بيلسان راحت تسأل أمها
نبي نشوف أمها تجاوب صح أو لا ؟
أنا أستخدم صينية الفرن مع القصدير لأنها أكبر وآخذ راحتي بالطبخ وأسوي كمية كبيرة
بينما صينية التيفال أحتاج أدخلها الفرن على دفعتين فياخذ مني وقت أطول
جربوا طريقتي بصينية الفرن وإذا أعجبتكم ادعولي ولمن أحب بالجنة
لا تنسين لا تعلمين بيلسان [/align]
كل عام وانت بخير وجود عبود
والله انا نفس اثير بالضبط ماعمري سويته
اطلبه من الزيزفون
مدري حسيت ان طريقته صعبة
بس ان شاء الله اصير مره قرمه
وادخل المطبخ واسوي طريقتك
بالنسبة لسؤالك اممممممممم
يمكن تحطين قصدير عشان ماتلصق السينبون
بالصينية