وظائف في اداره مدينه الملك خالد العسكرية

[سمحان]

إدارة مدينة الملك خالد العسكرية للتشغيل والصيانة

[بحّة الشوق]

جزاك الله خير أخوي ويعطيك ألف عافيه ..

[تركي الوايلي]

بالتوفيق للعاطلين

وهذه الوظائف جتهم لحد بيوتهم وبكره يجيك واحد مطفي النور مايشوف من الدرب شيء
ويقول لك مافي وظائف
عجبي من شباب اليوم .

[حفرآوي آتكيت]

طيب الوظائف على النت او ملفات

[العالمي 9]

تركي الوايلي أنت شفت التخصصات اللي يبون

لو كنت عاطل وجتك هذي الوظائف هل تقبل تكون سباك ؟؟؟

يارجل بالعقل ولاتقولي وظيفة شريفه ندري بهذا الشيء بس حنا ياشباب السعوديين

مانرضي بهذي الوظائف

شكرا لكم والله يوفق الجميع

[غريب الدار2011]

جزاك الله خير
رواتبها طيبه
الاجانب الجدد رواتبهم 2300 ريال
والسعوديين شهادة سادس5000
والعسكري ياخذ خمس سنوات يستلم 5000
بالتوفيق للعاطلين

[تركي الوايلي]

اقتباس: المشاركة الأصلية كتبت بواسطة العالمي 9    تركي الوايلي أنت شفت التخصصات اللي يبون لو كنت عاطل وجتك هذي الوظائف هل تقبل تكون سباك ؟؟؟ يارجل بالعقل ولاتقولي وظيفة شريفه ندري بهذا الشيء بس حنا ياشباب السعوديين مانرضي بهذي الوظائف شكرا لكم والله يوفق الجميع

هلابك اخوي العالمي

شف ياخوي بدايه وقبل كل شيء
الوظيفه او مسمى الوظيفه ليس عيب ولاتعيب الشخص مهما كان مسماها واذا انت تشوف ان فيها عيب فهذا شأنك انت ولكن غيرك ميت على هالوظيفه ولو راتبها قليل يريد فقط ان يؤمن عيشه لأهله ولأطفاله ومن ناحية انك تقول احنا سعوديين ويجب ان نتوظف بوظائف محترمه طيب واذا سعودي يعني السعودي على راسه ريشه مايشتغل في اي وظيفه ياخي والله احنا ماذبحنا وضيعنا الا مثل هذا التفكير اذا الواحد يبي يشغل نفسه بكلام الناس وفلان وعلان ماراح تتوظف ياخي انت توظف بها بشكل مؤقت حتى تجيك وظيفه حكوميه يعني انت لست مجبور اصلاً انك تجلس بالوظيفه مدى الحياه والوظيفه لو راتبها 2000 ريال ماراح تقلل من شأن احد وبل هي افضل من الشخص اللي جالس في بيته ويشحذ ابوه خمسه وعشرة ريالات وافضل من اللي يتاجرون بالمخدرات والبعض منهم اصبح يلجأ الى السرقات والامور التي تغضب الله وبالاخير يتم ردعه بالسجن حتى يعفن هذا اذ سلم من قصاص الايدي هذا هو العيب على اصوله واخيراً وليس آخراً ياخوي العالمي انا لو اني عاطل عن العمل لتوظفت في اي وظيفه وماراح يعيبني مسمى الوظيفه او عملها وانت وجهت سؤال لي وتقول ياتركي لو اتتك وظيفه سباك هل تقبل بها افيدك انني اشتغلت سابقاً في الاغنام واشتغلت في الخضار واشتغلت في مصنع سراميك واشتغلت بالبريد واشتغلت بالمجال العسكري واشتغلت يعلم الله في وظائف كثيره ومتعدده ولافكرت ولو بدقيقه او بيوم بكلام الناس اوبمسمى الوظيفه لأن الناس مالهم شغل فيك وانت مالك شغل فيهم وبكيفهم عساهم بحريق بل انت تجد نفسك موظف وتكسب رزق حلال من الله وهم تجدهم يشتغلون بالنصب والاحتيال وعدم مخافة الله في امور كثيره و اول شيء انت اذا توظفت بوظيفه تكسب رزقك من خلال هالوظيفه هذه وتكسب خبره وتكسب ثقافه عمل وترى احنا لسنا افضل من الانبياء عليهم الصلاة والسلام والصحابه رضي الله عنهم واجدادنا في سابق عهدهم يوم كانت الوظائف قليله ونادر وحتى الفلس كان عليهم بالحسره والحين اذا جتك وظيفه وتحس ان مافي غيرها توظف بها بشكل مؤقت حتى تجد وظيفه اخرى وبالتوفيق لك وللجميع ولاتفكر بكلام الناس واذا فكرت بكلامهم راح تتعب .

[الامير الفقير]

هاتو رابط الموقع

[بحّة الشوق]

إضغط هنا >>>> إدارة مدينة الملك خالد العسكرية للتشغيل والصيانة

[سفير الصمان]

اشكرك ياتركي على كلامك في تعفف الشباب عن مجال مسمى الوظيفه وانت حطيت لهم نقاط على الحروف
ووضحت لهم كل نقطه والله يوفقك على إيضاحك وتشجيع الشباب على الإصرار على الوظيفه واكل لقمه العيش