هذي احد قصائد الشاعر الكبير /محمد بن حمد بن لعبون
واتمنى يعجبكم اختياري
[poet font="Simplified Arabic,4,black,normal,normal" bkcolor="transparent" bkimage="backgrounds/19.gif" border="none,4,gray" type=0 line=200% align=center use=ex length=0 char="" num="0,black" filter=""]
يامنازل مي عن قبة حسن= من يسار وعن قبر طلحه يمين
في ربوع كل ما فيها اسن = في ديار كل ما فيه حزين
غربن اشموسها وأغلنطسن = موحشات ما يبات ابها أمين
ساريات كنهن الى أرجسن = بالمدامع دافنات به جنين
دار مي بوم مي لي تسن = سنة العشاق عونك ياعوين
دارها يوم الازار مورسن = والهوى مياح وارداها خنين
يوم حظي جالس له مجلسن = مهنتي بوصال موضية الجبين
غنجة العينين والخد الحسن =والقوام ان قام عود الياسمين
تحسب القيلان من فوق اطلسن = والخصر ملهوف والنهود موقفين
ظبية القناص في صبح ومسن = درة الغواص مشراها ثمين
كم عذلني في هواها من لسن = حاسد بالغي حلاف مهين
وأربع لاهيات يلبسن = بالعفافه كل مطبوع وزين
باشرني بالملامه واجلسن = عند راسي كالخضاري له رطين
عاذلاتي في هواها ويخسن = ذا الخبز ماهو من ذاك العجين
طلقت يمناي ملوي الرسن = وقطعت بوصالها طول السنين
اظن ارياح الهوى لي نسنسن = في ربوع كان ما تذرا الطحين
وانشدني بالغنا يوم افلسن = ربما لي او عسى لي أقمين
واحمد الله يوم ردن واختسن = والثنا لله رب العالمين
[/poet]
تحياتي