مهم اللي عنده خبره. يفيدنا

[عبدالله1]

طيب انا قدمت وخلصت اوراقي وباقي لي الاختبار بكرا والمشكلة ماعرف شئ بالكمبيوتر ولا معي واسسطه وعندي مقابله اخر الاسبوع ولازم رخصه وش الحل يأخوان

لو ماجيهم بكرا وش يصير يلتغي الاختبار ولا كيف والله مشكله ومتحير

[تركي الوايلي]

اقتباس: المشاركة الأصلية كتبت بواسطة عبدالله1    طيب انا قدمت وخلصت اوراقي وباقي لي الاختبار بكرا والمشكلة ماعرف شئ بالكمبيوتر ولا معي واسسطه وعندي مقابله اخر الاسبوع ولازم رخصه وش الحل يأخوان لو ماجيهم بكرا وش يصير يلتغي الاختبار ولا كيف والله مشكله ومتحير

انت بس توكل على الله وسم بالرحمن
وان شاء الله تنحل امورك

وتراها سهالات ان شاء الله مافي اي تعقيد .

[عاشق سراب]

يارجال مايبي لها واسطه انت اهم شي احفظ العلامات الي عطوك ياها مثل هذي وامورك تمام التمام

[عبدالله1]

رحت وصقطت بالكمبيوتر زي ما انا متوقع وبكره اعادة اختبار وماظنيت ابعدي ! شغل واسطات كله اللي مامعه واسطه الله يعينه







ماعندكم واسطه

[ابوديمه]

الله يعينك على دله

[عاشق سراب]

يارجال والله مايبي لها لاواسطات ولا شي
انا وش قلت لك من اول شي؟. قلت لك احفظ العلامات وانتبه من الكمبيوتر صح ولا لا
الشغله بس يبي لها انك تحفظ العلامات الي عطك اياهن وامورك تمشي من ورا خشومهم

بس حنا كسالا مانحب نشغل العقل شوي

[خشخاش]

يوووه رخصة ..

ذكرتنا بسنة السبلة يوم اطلع رخصة ..

[نادر وجودي]

انتبه لاتسقط من الكمبيوتر انا مقرود سقطت والثانيه بواسطه

الله يعينك على اليمني يبي يقرقر فوق راسك وتدوخ تحمل يالغالي

بالتوفيق

[بدوووي]

عندنآ بالحفر ما تمشي إلآ بوآسطه

[عبدالله1]

اقتباس: المشاركة الأصلية كتبت بواسطة عاشق سراب    يارجال والله مايبي لها لاواسطات ولا شي والله انك صدقت لا واسطه ولا غيره انا وش قلت لك من اول شي؟. قلت لك احفظ العلامات وانتبه من الكمبيوتر صح ولا لا صح الشغله بس يبي لها انك تحفظ العلامات الي عطك اياهن وامورك تمشي من ورا خشومهم انشهد سويت نفس ماقلت ومشت من وراء خشومهم خاصة خشم المدير والعسكري اللي رافع خشمه بس حنا كسالا مانحب نشغل العقل شوي

عزالله كسالة ولا نحب نشغل مخنا ولا انا اليوم اخذتها بدون واسطه بس شغلت مخي وبيض الله وجهك يبناخي عزالله ماقصرت