[align=center]ادري اني طولت عليكم ولكن اتمنى ان هذي ترضيكم
وتناااااااااااااال اعجابكم ........؟[/align][poem=font="Simplified Arabic,5,white,normal,normal" bkcolor="white" bkimage="backgrounds/10.gif" border="solid,4,white" type=1 line=0 align=center use=ex num="0,black"]
ركبت فوق اللي قبل وارد الفين
= تسعه لنا ديار العجم وردنّه
انا اشهد ان مصممينه شياطين
= وخشومهم صوب الحرم ماركعنّه
مااقول كاش ألا خذيناه بالدين
= بعض البشر دراهمه مانفعنّه
ترى الفقير ومن رصيده ملايين
= رصيدهم خام الكفن بالمجنّه
الموت مقبل مابها شك مقفين
= يديننا حتى الشباب دفننّه
لكن عسانا يوم نقفي سعيدين
= ومن ظن بالله خير ما خاب ظنّه
وانا هواي ومنوتي شوفة ثنين
= لو ان همي كبر الارض ابعدنّه
شوف الحيا يازيّن الارض تزيين
= والفقع يامن اليدين لقطنّه
وصادف رجوعي للحفر جوّه الزين
= الارض خضراء والسحايب سقنّه
يازين والله طلعتي يوم الاثنين
= باأحلا مكان عيوننا شاهدنّه
الظهر حول الوايليه مغدين
= وقلوبنا هموم المدينه نسنّه
والعصر بايمن شبك مشعل مصلين
= والقلب زينات المناظر خذنّه
شفت البيوت اللي لها تطرب العين
= وخيام(ن) ايدين النشاما بننّه
ولقيت انا الرعيان حوله مضحّين
= العشب جيّاع البهايم لقنّه
وناسٍ تمشّابه وناسٍ مقيمين
= ارضٍ سهل حتى الصغار طلعنّه
وحدر(ن) من الشعبه لفيت العزيزين
= في فيضة(ن) خيرات ربي ملنّه
لقيت عمي وقصراه متخاوين
= وحلالهم حتى الحدود وصلنّه
ربع(ن) على طيب الرجال متربين
= الطيب شاق ايمانهم وفعلنّه
من دلة المايق عصير متقهوين
= الهيل به والزعفران خلطنّه
والتومي المطنوخ قلّط خروفين
= ياعل من جابه يخلد بجنه
يارب خل الذيب واعم الرديين
= اعم الذي طرد العلوم اشغلنّه
واعداد سكان الولايات والصين
= صلو على اللي منهج الخير سنّه [/poem]
[align=center]وسلامتكم
فواز بن نداء المايق[/align]