تكفووون والله نفسيتي تعبااانه

[امل الحربي]

السلام عليكم

للآمانه
ماني عارفه وش اقولكم
بس والله العظيم نفسيتي تعبانه
ودي ابكي ياجماعه كل مافي السالفه
اليوم راحت ابي اكمل دراستي في مدرسه خاصه بس ارفضو وقالوا لا ماعندنا
انتي من ضمن تعليم الكبيرات والسبب مو عمري السبب لااني تركت الدراسه 5 سنين وهذا البلا

ياناس والله ماتفرق معاي وعادي هذا المكتوب لي بس اللي قهرري ان امي كانت تبيني ادرس واجيب الشهادة وانا كل قصدي عشان امي

حتى لو درست تعليم الكبيرات
اعرف بنات كثار يسبووون هالشهادة
لاان ع قولتهم ماله مستقبل
ومو مضمونه

ياناس والله كل مااشوف امي ودي الارض تبلعني عنجد نفسيتي تعبانه ع الرغم ان امي قالت عااادي واهم شي انك يابنيتي مرتاحه
والشهادة ماهي نهايه العمر

ابي رايكم وش اسوي

والله لـــ ادعي لكل من يجاوب علي
والله يسعدكم ويوفقكم دنيا واخرة

[محمد الفيصل]

تعوذي من إبليس وأنا أخوك والمكتوب ماعنه مصد :)

أنتي تقولين

ياناس والله ماتفرق معاي وعادي هذا المكتوب لي
امي كانت تبيني ادرس واجيب الشهادة
وانا كل قصدي عشان امي
امي قالت عااادي واهم شي انك يابنيتي مرتاحه
حتى لو درست تعليم الكبيرات
اعرف بنات كثار يسبووون هالشهادة
لاان ع قولتهم ماله مستقبل
ومو مضمونه


خلاص توكلي على الله وإدرسي وجيبي الشهاده علشان أمك والمستقبل بيد الله وماتدرين وش يكتب لك ربي مستقبلا ً

عسى الله يوفقك ويحقق أحلامك

[امل الحربي]

الله يوفقك ويسعدك وينور دربك
والله اسعدتني مشاركتك

بس ي اختك في اشياء منت فاهمها
خلها ع الله

واشوف ردود باقي اخواني واخواتي

[ابوبيان]

غريبة
أنا تركت الدراسة لمدة 9 سنوات وكملتها ثانوي تجاري
وش المشكلة حاولي معهم لعل وعسى

[بدرآل بدر]

الله يكون بعونك.. انتي حاولي بكذا مدرسة يمكن تحصلين بالذات القرى اللي قريبة من الحفر مثل الصفيري او الذيبية او القيصومة..والا واسطة بسيطة من ادارة التعليم يمشي وضعك لو تبين المدرسة اللي جنب بيتكم واتمنى لك التوفيق

[امل الحربي]

الله يوفقك ويسعدك ويفرج عنك همك وينور دربك

بس وربي مدري وش بلاهم المشكله اني ادرس ع حسابي
يعني جايتهم بخشم الريال
ووالله عمري 20 ياجماعه والله مدري العيب فيني ولافيهم

[abo khaled]

مدرسه اهليه لو عمرك الف توكلي على الله وسجلي وانا اخوكي

[كساب الطيب]

بسم الله الرحمن الرحيم
وعليكم السلام ورحمة الله وبركاته
تعوذي من بليس وانا اخوج ,والي تبيه الوالده سويه وكذلك الراحه النفسيه ,لكن ماعلييج من كلام الناس لان(كلام الناس لايودي ولايجيب) .
وانا الي فهمته ,من الموضوع بـاان المدرسة تريدتحويلج إلى تعليم الكبيرات كمـاذكرتي.وكذلك المدرسه اهليه فـ غريبة يطلبون هالشي وانتي تدفعين لهم مبلغ وقدره.
راسليني بالخاص ,والان انتي بصف كم (عشان الواسطه اتحرك).!

أخوج/ابوحباب الحربي

[G•e•N•e•R•a•L]

ممكن اعرف مؤهلك الدراسي اختي

[شــغــموم]

ليش رفضوا ؟
عمرك صغير اذا كان ثانوي واذا كان متوسط الواسطة تمشي حتى بالمحاكم ماهي بمدارس الغفلة
واللي اعرفه ان المدارس الخاصة تبي فلوس حتى
لو عمرك 120 والنجاح مضمون غريبة صار عندهم نظام...!
لاتيئسين وانا اخوك وخلك عصامية ولايحبطونك
بالانظمة الرجعية اللي عندنا الدراسة حق لكل مواطن
ومواطنه وشروط التعقيد لايمكن ان تثنينا عن البحث
عن مستقبلنا ، الله يوفقك يارب وييسر امورك