الرجل الي جالس على يمين الخمعلي امير بأخلاقه بتواضعه بكرمه
العام مكتبه في مبنى المرور بالدور الثاني على اليمين جيته في رمضان والله ما اعرفه ولا يعرفني ولكني مستحيل انسى وجهه مادمت حياً
كان عنده موظف بقسم اللوحات والموظف صراحه تعبان جداً يجي يقول انتظروا ويطلع لبيته وجلسنا ساعتين ودخلت على هالرجل هذا وقلت له مافيه موظف يخلصنا ويرفع جواله ويدق عليه ولا اخذنا عشر دقايق الا وهو جاي الموظف ويجلس له دقيقه بس مر على مكتب الضابط وخلاه يشوف وجهه وجانا الموظف قال بس عشر دقايق وجايكم عندنا شغل تحت وراح وجلسنا ساعه ودخلت على الضابط مره ثانيه واتصل عليه وغسل شراعه (( والموظف مدني )) والله ماطلعنا من المرور الا وحنا خالصين
لكن لو كان احد غيره واشتكيت مره ممكن مايرد عليك وان تكرم ورد مايرد المره الثانيه بينما هذا الشخص والله انه وقف من مكتبه لما سلمت عليه مصافحه
ليت بقيت المسؤولين يتخذونه مثال لهم بالاخلاق والتواضع
الله يوفقه وييسر له امره وين ماوجه مثل مايسر علينا
اللهم بيض وجهه يوم تسود وجوه
اللهم ارزقه الذريه الصالحه واجعله مباركاً اينما حل
اللهم انه يسر على عبيدك فيسر عليه يوم الحشر
اني احبك في الله يامن جلست جوار الخمعلي والله حتى اسمك ما اعرفه
اخ ناجي بيض الله وجهك على التغطيه الي جبت فيها صورة هالشخص