السلام عليكم ورحمة الله وبركاته ,,,
اخواني الافاضل الكرام لا يخفى على احد منكم ما وصلنا له من تدهور كبير وتخبط عجيب
وسرطان الواسطه الذي طغى على اوقاف محافظة حفر الباطن وطال بيوت الله عز وجل ( المساجد )
اصبح الاهتمام كل الاهتمام برقم المسجد ومكافأته الشهريه وفأة الرقم أ او ب او ج
لانها تحدد قيمة المكافأه
مساجدنا هنود وبنقاليه ووصلت الى ادنا مستويات النظافه حتى اننا اصبحنا محط انضار بعض الدول المجاوره في مواسم الحج والعمره عندما يشاهدون حال المساجد التي تنعم في دولهم بالاولويه في الخدمات مع انهم لا يقدم لهم نصف ما يقدم لنا من دعم .
أأمة المساجد عدم تواجد دائم وبالاشهر والشيبان يتلافتون (صل يابو فلان والثاني يقول لا صل انت)
واغلب أأمة المساجد موظفين من خارج الحفر وطلاب جامعات يجون في العطل فقط ... ليه ؟؟؟
لانه طالب وبحاجه للمكافأه ... سبحان الله ... وجماعة المسجد وش حالهم
مراقبين المساجد وينهم ؟؟؟
واذا اشتكينا بوزارة الاوقاف جتك التقارير عن الامام انه احسن من السديس والشريم
وهو قسم بالله له شهرين ما ركع ركعه في المسجد .
لا ... واصبحة الاوقاف بما تملكه من ارقام وظيفيه سبب في تمزيق الشباب وبث روح الفرقه والمبنيه
على اساس الانتماء (سلفي او اخواني او تبليغي او .. الخ
وما نعرفه ان جنسيتنا جميعا لا اله الا الله وكلنا عيال عبدالعزيز (رحمه الله)
تخبط عجيب اظهرنا في اسوء الصور حتا انه تمر علينا ايام والله مانسمع الاذان
فرش المسجد اذا ما لقيت متبرع او قطيه من اهل الحي والله ما يتجدد ... راتب عامل النظافه يعطيه ابو فلان الله يجزاه خير او بعد قطيه .
تدرون يا اخوان ان اوقاف حفر الباطن لم تبني مسجد واحد على حسابها من 17 سنه تقريبا (متبرعين)
ومع ذلك لا تجد حتى ادوات النظافه ... ومستويات التكييف المتدنيه مع علمكم بدرجة الحراره عندنا كم توصل والله المستعان . احجز مكان بوجه المكيف او ...
وش اقول وش اخلي لعب في لعب والله لا يخفى عليه شي .