[align=center][align=center]السلام عليكم ورحمة الله وبركاته
ذهبت صباح هذا اليوم لأستلام علاج سكر للوالده .. والوصفه اللي عندي بدون مادخل على الطبيب مجرد اعطيها الصيدليه واسلتم العلاج .. ولكن تفاجأت اليوم بالأعداد الهائلة ناطرين عند الصيديله العامه وعند الأستفسار قالوا ان هناك سستم أي نظام جديد مطبقينه للحد من الأزدحام عند استلام العلاج.
ولكن للأسف ان الحاصل انني انتظرت من الساعه 11 ولغاية 2:15 يعني ثلاث ساعات وربع لمجرد صرف علاج السكر.
وفيه ناس حاطين وصفاتهم من الساعه 8 الصبح رجعوا الساعه 2 ومالقوا الوصفات مضيعينها الصيادله.. وبعض الصيادله كان منزعج من الزحمه وكان هناك مشادات بينهم وبين المراجعين.. وبعضهم يقول اترك وصفتك وتعال بكرى لانه مابقى شي ونسكر.. وكأنه يوزع خبز مو علاج يحتاجونه المرضى,, وللأسف ان البعض رضخ لكلام الصيدلي وترك الوصفه ليرجع ثاني يوم لاستلام العلاج.
للأسف ان هذا النظام الجديد صارله اسبوع مطبق ولحد الحين مو قادرين يشتغلون عليه صح والمشاكل في ازدياد يعني تنطر ساعه علشان تدخل على الطبيب وتنطر ثلاث ساعات علشان تستلم الدواء.
اتمنى ان تكون هناك وقفه جاده من ادارة المسشتفى لحل هذه المشكله.
في المسشتفيات الحكوميه تستلم الدواء في اقل من خمس دقايق ولا اعلم ماسر التأخير الحين وحتى في السابق في مسشتفى العسكري؟[/align][/align]