[align=center]زنابق شوق ..!
لشاعر بدر الدخيل
كتبتك فوق ثغر الغيم / وامطرتي على الشفّـه
زنابق شوق / لا ذاب البَرَدْ في ريقك الصافـي
افرّقني / وأجمّعني / واعـاود واقلـب الكفّـه
واواعدني على طيفك / واصحّي شوقي الغافي
وابنثرني على دربـك / بقايـا حلـم واصفّـه
وإذا عدّيت من فوقي / دخيلـك بعثّـر لحافـي
لك الله يا حبيبي / من غرامك صابنـي خفّـه
انا مدري خفى جهرك / أو انك جهري الخافـي
مشيتك / ما دريت الاّ وانا في آخـر الضفّـه
على موج التمني / وانكسر لرضـاك مجدافـي
تغيْر وتحترق كلك !! تمـون وشرهتـك وفّـه
فديتك / واشتعل لك من عروقي لآخر اطرافـي
قسم لولا الحيا ل/ ارْسملـك التنّهيـد واشفّـه
والوّن شهقتي / وافضح ونيني / واعلن خفافي
انا رمز الجنون / وقمـة التفريـط / والعفّـه
انا صمت الزوايا / والغروب / وغمزة السافي
انا حزن الرصيف / وزفرة الشبّـاك / والزفّـه
انا تلويحة الغايب / وهمس الليـل / واللافـي
كتبتك فوق ثغر الغيم / والشفّه علـى الشفّـه
زنابق شوق / في حضن البَرَدْ يا ريقي الصافي [/align]