السلام أطلب من الادارة تثبيت الموضوع.. وأطلب منكم مشاركات في هذا الموضوع.. عطونا معلوماتكم عن الحفر.... يعني اذا بغيت اجيكم ...وين أروح...... شنو أحسن الفنادق؟ من الخمسة نجوم ال النجمة الوحدة.. شنو احسن الاسواق..؟ شنو الاماكن الترفيهية عندكم ..؟ وين تقضون أوقاتكم؟؟؟ عشان لنا جية لكم يعني بنسير عليكم ترى انا يضيق خلقي اذا ما تمشيت ..وما اعرف شي في الحفر. والشكر موصوووووووووووووووول لكل من يدخل ويرد.
موضوعك جميل اختي بنوتا ويستحق الاهميه بس ليش موضوع واحد يتثبت ليش ما يكون هناك قسم خاص بالحفر ويشمل اماكن الترفيه والفنادق والتسويق وصور من هذه المدينه وكل شي يخصها.. هكذا يكون احسن من موضوع...
[align=center]هلا بنوته اخبارج اختي ياطويلة العمر ودج تجين الحفر حياج الله والساعه المباركه الي تنورين الحفر بوجهج السمح بالنسبه للفنادق >>> الي عندنا ابو نص نجمه ومرات يصير بدون نجوم ( يعني تنامين بدون بطانيه ) وكاشخين بالهوليدي ان ....... وهو من جنبها وبالنسبه للاسواق عدي واغلطي من ابوريالين لأبو عشره والعقاريه بسلامة الشباب الي يحاولن اقتحامها ومو قادرين .. لان.. الهيئه بالمرصاد وبالنسبه للاماكن الترفيهيه عندج بودل لاند ونصيحه لاتدخلينها لان خساره فيهم حتى رسوم الدخول واذا تبين نصيحتي مري سلمي على الي تبين واغضبي الباب >>>> امزح ههههههههههههههههههههههههههههههه وترين الحفر جنة الارض بس والله مهملينها اهلها والمسؤلين على العموم اسف على الازعاج واسف لاني طيحت الميانه بسرعه أشوفج على خير[/align]
حياك الله يابنوته....والله مانى خابره بالحفر شى يذكر كلام الاخ الحفر صحيح 100%....بس يمكن احنا الاثنين ماعندنا خلفيه كافيه!! بقولك روحى العقاريه وساره مول والمويس تخصص اهل الكويت!!وافترى بالعبيكان شوى تراها حلوه والقراءه زينه..اما عن الفنادق مادرى!!!!الله يخليلى بيتى شللى يودينى هناك!!!وانشاالله الاخوان يفيدونك اكثر...واضم صوتى للاخ ناجى وانشالله خير...
وينك يابنوته؟؟؟؟على العموم أنا بالنيابه........وهذا للرفع............
شكرااااااااااااااااااااااااااااااا على المرور الاخ ناجي اقتراحك حلو وحنا معاك.. الخ الحفر .......شكراااا ...والظاهر اني بسلم نفس كل مرة واقضب الباب والاخت العوبه هلا والله فيج وشكرا على المرور ولنا روحه للعبيكان انشاءالله لاني جربتها من قبل وتهبل..
موضوع حلو وكلنا نبي نستفيد منه بس مدام مافيها الا ابو نص نجمه ترى يمدحون الربيع به خيموا خخخخخخخخخخخخخخ
اقتباس: المشاركة الأصلية كتبت بواسطة الجبلـــ شيهانة ـــين موضوع حلو وكلنا نبي نستفيد منه بس مدام مافيها الا ابو نص نجمه ترى يمدحون الربيع به خيموا خخخخخخخخخخخخخخ قلوبنا مفتوحه لك ولامثالك يا بنوته., حفر الباطن من افضل مدن الممكله من ناحية الغرف والشقق والاجنحه الفندقيه. خدمات كثيره تؤهل هذه الفنادق لاستقطاب الزوار. وعلى قولتكم ابو نص نجمه مافيه اي شئ من هذا القبيل. الاماكن بالنسبه للبنات الاسواق والمجمعات التجاريه .. ولا ننسى ان حفر الباطن مدينه طفره اجتماعيه حيث تكثر الزواجات في الصيف والشتاء. يعني كل شئ ممتاز في حفر الباطن لولا الاخطاء البسيطه. اتمنى منكم. اتمنى منكم وهذا رجاء. ان لا تحتقروا هذه المدينه فطالما استضافت ابناء المملكه في مواسم الربيع, وكم رجال(اغتنى) من خيرات حفر الباطن. كل الحب. .
اقتباس: المشاركة الأصلية كتبت بواسطة الجبلـــ شيهانة ـــين موضوع حلو وكلنا نبي نستفيد منه بس مدام مافيها الا ابو نص نجمه ترى يمدحون الربيع به خيموا خخخخخخخخخخخخخخ ياهلا والله ياهلا الحمد لله على السلامه علمونا على شان نفرش لكم الارض زل
شكراااا على مرورج شيهانه............