يا أهل الحفر دلوني الله يدلكم على الصالح

[سرية الصيانة]

السلام عليكم ورحمة الله وبركاته

الله يعطيكم العافيه ابي محلات تفصيل البدل العسكرية تكفون ضروري تكون في الحفر
ثاني شي وين حي المحمديه وحي البلديه وكيف الخدمات فيه الله يعطيكم العافية وانا ساكن على طريق الملك عبدالعزيز (فندق الشمال)

[فــارس]

تفصيل البدل العسكريه بالسوق الداخلي

[سرية الصيانة]

حي الله فارس الله يطول عمرك انا والله ما ادل شي نهائيا اليوم الصبح طلعت ودرتلي ساعتين ولا لقيت شي لكن اذا ما عليك كلافه توصفلي مكانهم لاهنت

[رفيع الشان]

السلام عليكم ورحمه الله وبركاته

اخي في الله اسعد الله مسائك بكل خيره ومسره


بالنسبه لمحلات تفصيل البدلات / اول ماتطلع من الفندق الي انت ساكن فيه ووجهك شمال تجيك الاشاره الاول اتركها وكمل وتجيك الاشاره الثانيه اتركها وكمل وقبل الاشاره الثالثه تلقه محل تفصيل على اليمين بالزاويه

واذا تبي تروح لسوق ساره هذا فيه محلات كثيره لتفصيل البدلات ووصفه كتالي

ايضا اول ماتطلع من الفندق وانت وجهك شمال كمل سيده لاتلف لايمين ولايسار تجيك الاشاره الاولى والثانيه والثالثه والرابعه والخامسه والسادسه واذا جيت السادسه تشوف السوق امامك


اما بالنسبه لحي المحمديه هو الي وراه الفندق الي انت ساكن فيها

وبالنسبه للمقارنه بالافضليه بينه وبين حي البلديه بالطبع حي البلديه افضل وانظف وارقى وشكرا لك


ووفقك الباري لكل خير



أخوك / رفيع الشان

[سرية الصيانة]

الله يطول عمرك وبيض الله وجهك والله انك كفو وما قصرت جعلك ووالديك في الجنه لاهنت يالغالي

[الامير الفقير]

ارحب وحياك بالحفر شفت فندق بودل الي بالسوق ابد خله خلفك وادخل السوق واستفسر من اقرب واحد يدلك بالمحل

[هواهـ حفراوي]

حياك الله ونورة الحفر خياطة البدل العسكرية قريبة من خياطين الملابس الي بالسوق الداخلي عند سوق عبد الكريم
اسئل على فندق بودل او مكتبة الامة ويدلك عليه اي واحد والسوق خلفه على طول وبالتوفيق ....

[سرية الصيانة]

الله يبقيكم لا خلا ولاعدم والله يجزاكم خير وبارك الله فيكم

[هجمة عكسية]

بالتوفيق لك

[سرية الصيانة]

حياك يالغالي بالتوفيق للجميع