قمة الفخامه والرقي
فعلا ودك تعيش فيه /
ليله لو باقي ليله ..
في عمري ابيه الليله
.. واسهر في ليل عيونك وهي ليله عمر .. يالله يالله .. وش كثر هو جميل ...
كمل معروفك ودق اسئل كم الليله ؟
عشان نحط ميزانيه قبل لاندخله ونتوهق ساعتها شوف قلبآت الوجه
اتصلت عليهم طلعت لي شرطة أم الجماجم :)
تجربة السكن في مثل هذه الفنادق لا بد منها . خاصة للمتزوجين ، على الأقل لما يطلب الزوج من زوجتة أمر ما وماتلبيه بحجة إن معها إن معها مغص ، يخليها تشوف كم صورة ويقول ناسيه يوم أحجز لك في هالفندق الزين ؟ .
اقتباس:
المشاركة الأصلية كتبت بواسطة وايلي501
المزه تقول غالي يابو تركي
يعني تهقى
طيب بكم الليله الواحده تتوقع ؟
تشكرات
هلا فيك يالوايلي
السعر للغرفة الواحدة أكيد مادون الألفين شيء ، والحجوزات مقدما ً ، والدفع عن طريق بطاقات ماستر كارد . جُل الفنادق الفخمة يتبعون هذه الطريقة .
لا يكون على بالك على طول للريسبشن وتصور بطاقة العائلة وتقول للهندي يالله شيل الشناط :)
اقتباس:
المشاركة الأصلية كتبت بواسطة ريم النواااظر
؛
قمة الفخامه والرقي
فعلا ودك تعيش فيه /
ليله لو باقي ليله ..
في عمري ابيه الليله
.. واسهر في ليل عيونك وهي ليله عمر .. يالله يالله .. وش كثر هو جميل ...
يسلمووو جروح للروعه
صباح الخير ياريم
هذا فندق رسمي ، مثله مثل فندق الفورسيزون ، يعني إذا تدور على أجواء رومانسية مع شريك العُمر ما يُنصح بمثل هالفنادق . أذكر بعد ما دخلت الفورسيزون عريس حسيت إني رجل أعمال ، ماتحس إنك عريس جديد . تحس إن وراك إجتماع مع وفد جاي من الصين . اللي حببني فيه إن أدور الفندق تبدأ من الدور الـ 30 إلى الدور 48 . يعني شيء حلو إنك تكشف الرياض من فوق . عكس فندق الفيصلية أربع أدوار فقط على ما أظن ، لكن من ناحية الديكور والأثاث هو أفضل .
يقولون ان ماعندهم الا القناة الاولى والثانيه وقنوات المجد بس
مايصلح فندق البطحاء اصرف وارقى وافضل
هم حاجتين إحرص عليهم قبل الحجز ، نظافة دورات المياة " تكرمون " ومدى ملائمتها للإستعمال ، وتعدد القنوات المفيدة . بعض الفنادق والشقق يلمعون لك البلاط والشراشف وعطورات ، إذا جيت للدورة المياة تحصل السيفون خربان ، أو للبيبان صرير . وتحصل القنوات 11 قناة فقط . نصفها ما يستهويك ، وبين كل قناة وقناة أربع قنوات " توشوش " .
بس عزالله إن فندق البطحاء رايق بعد التحديثات . قبل 8 سنوات كانت الغرفة بـ 150 ريال وقبل 5 سنوات كانت الغرفة بـ 300 ريال ، أذكر إستغربت ، بعدما ما شفته قلت يستاهل . اللي يحب البطحاء والفرفرة فيها لا يفوتة هالفندق .
إلا بسألكم : كم عدد والشقق المفروشة الآيله للسقوط في وسط سوق الحفر ؟ .