السلام عليكم ورحمه الله وبركاته اليوم أتيت لكم بطريقه لمعرفه رصيد العميل لدى البنك الاهلي التجاري ويمكن البعض يعرفها ومرت عليه ولكن البعض الاخر لايعرف هذه الطريقه وهي سهله جدا وبدون عناء ومايحتاج تروح للصراف وتعمل تشيك على رصيدك المتوفر الشروط اول شيء لازم يكون العميل مشترك بالهاتف المصرفي واذا العميل مشترك بالهاتف المصرفي اتبع الطرق التاليه الاستعلام عن رصيد حسابك بالرسائل القصيرة عبر الجوال 1. أفتح رسالة جديدة في جوالك واكتب الرقمين المختصرين 11 2- ارسال الى الرقم 73333 انتظر شوي وراح تجيك رساله من البنك الاهلي برصيدك المتوفر لدى البنك وهذه طريقه سهله جدا من خدمات البنك الاهلي لعملاء الهاتف المصرفي وانا جربتها وفعاله وتم الرد برساله نصيه بالرصيد المتوفر اتمنى اني افدتكم بذلك وبالتوفيق للجميع أخوكم تركي الوايلي
ماقصرت ياتركي عساك على القوه
شكرا لك على المرور
أخي تركي تمت التجربة لكن لم يظهر الرصيد ... بعدين مستغرب ارسل 11 للرقم 7333 فقط ... طيب كيف يعرف العميل بدون ارقام سرية او رقم حساب ... نرجو التوضيح تركي
اقتباس: المشاركة الأصلية كتبت بواسطة سلومي أخي تركي تمت التجربة لكن لم يظهر الرصيد ... بعدين مستغرب ارسل 11 للرقم 7333 فقط ... طيب كيف يعرف العميل بدون ارقام سرية او رقم حساب ... نرجو التوضيح تركي هلابك حبيب قلبي سلومي شوف ياغالي اول شيء لازم يكون انت مشترك بالهاتف المصرفي الخطوة التاليه بجوالك تفتح رساله جديده وتكتب الرقم هذا 11 ارسال الى 73333 بعدين موافق وتجيك الرساله بشأن رصيدك المتوفر ببنك الاهلي انا جربتها الان ومرتين وضبطت معي ميه بالميه ارجو ان تتأكد من الارقام والتجربه وراح تضبط معاك وياليت تقولي اذا ضبطت معاك
بسألك اخوي سلومي انت فعلت خدمه الهاتف المصرفي عن طريق الجوال ؟؟
اقتباس: المشاركة الأصلية كتبت بواسطة تركي الوايلي بسألك اخوي سلومي انت فعلت خدمه الهاتف المصرفي عن طريق الجوال ؟؟ هلا تركي ,,, الهاتف المصرفي شغال تمام ... لكن الطريقة هذي ماضبطت معاي مدري ايش السبب ؟
اخوي سلومي الله يرضى عليك بوضح لك اكثر وان شاء الله راح تعرف الطريقه اول شيء ياغالي اذا اتصلت على الهاتف المصرفي على الرقم المجاني 8002443333 وبعد تسجيل دخولك بالهاتف المصرفي راح تجيك الرد الالى بخدمات الهاتف المصرفي وهي كثيره راح يجيك خدمه جوال الاهلي المصرفي ادخل خدمه جوال الاهلي واطلب تسجيل بجوال الاهلي التجاري واتبع التعليمات الين يتم تأكيد تسجيلك بجوال الاهلي بعدها ترسل اللي ذكرته انا الطريقه لمعرفه رصيدك بالجوال برساله نصيه يعني ياغالي لازم يكون عندك هاتف مصرفي وجوال الاهلي المصرفي الاثنين معا وطبعا هذه خدمات مجانيه للمعلوميه وان شاء الله انك فهمت الشرح
معليش حبيب قلبي تركي تعبتك معاي الحمد لله ضبطت معاي كنت احسبك تقصد الهاتف المصرفي طلع فيه تسجيل بالجوال المصرفي وتم التسجيل فيه ... يعطيك الف عافية أخوي تركي وبالتوفيق ياغالي
اقتباس: المشاركة الأصلية كتبت بواسطة سلومي معليش حبيب قلبي تركي تعبتك معاي الحمد لله ضبطت معاي كنت احسبك تقصد الهاتف المصرفي طلع فيه تسجيل بالجوال المصرفي وتم التسجيل فيه ... يعطيك الف عافية أخوي تركي وبالتوفيق ياغالي تحت امرك اخوي سلومي عزيز وغالي