بسم الله الرحمن الرحيم
بالنسبه لمعهد الفاو متعاقد مع شركة سعيد الهاجري واخبر يعطونك 1000 ريال وطبعا هذه الشركة يوعدونك بالتوظيف بعد دراسة ستة شهور في المعهد ويقولون تدريب بالمعهد المهني يتحدد امرها بعد الدراسة في المعهد طبعا خرطي مافي لا تدريب بالمعهد المهني ولا وظيفه اللهم ان اسمك يتم تسجيله في مكتب العمل (وهذا اهم شي عندهم ) يعني تسمعون بشي اسمه السعوده الكاذبه هي هذي السعوده الكاذبه وانا احد الضحايا لهذه المهزله ولكن توكلت على الله وتركتهم بعد 11 شهرر وانا انتظرهم يدربوننا في التدريب المهني ويوظفننا ولكن كل ماتسأل المسؤلين في المعهد يقولون لك ماجانا شي وفي من زملائي الى الان معهم وانا الان موظف في العاصمه ,,, ولكن للامانه اذا انك تبي الفايده ترى دورتي الحاسب والانجليزي اللي بيعطونك اياها تراها اكبر فايده ومعها 1500 يعني بعد ستة شهور على خير اذا خلصت من الدراسه وشفتهم يماطلون خذ الشهايد ودورلك وظيفه واهم شي خلهم يمسحون اسمك من مكتب العمل والتأمينات ترى اذا خليتهم يمرمطون فيك مرمطة تكره نفسك ,,, والله يوفق الجميع
اخوي لاتروح بعيد الحين جميع المؤسسات والمعاهد اذا ماطبقوا نظام السعوده يتم مخالفة اصحاب المؤسسات والمحلات والمعاهد والحين ياكثر المؤسسات والمحلات والمعاهد يعطونك مبلغ وقدره من المال وياخذون اسمك بس تمويه للابتعاد عن مخالفة وزارة العمل وهذا حاصل بكثره بحفر الباطن وببقية المناطق وطبعاً هذا يعتبر غش ونصب واحتيال ..!