مرحبا
احب اعرفكم بنفسي انا وحدة طاقة كبدي من شي اسمة خصوصية بين (الرجل ونفسة )مش بين الرجل وزوجتة
بالمختصر يعني يسوي بلاوي واذا جيت تناقشة قال خصوصياتي
ياعمي طيرررررررررررررر اي خصوصية هذي اللي تخليك تهمش الاخر وتنقص من كرامتة وتلغي وجودة وتثير الشك وتدخل الشيطان بينك وبينها علشان هالخصوصية اللي ماتعرف معناها (ماانكر انه للرجل خصوصيات واحترم هذا الشي لكن لاصارت خصوصياتك تهدم حياتك وطريقها معروف ليش الاستمرار بالغلط والانكار )
ياناس والله فعلا فيه رجال تجيك بقمة الدلاخة على باله ذكي بحركات هالمراوغة واللف والدوارن والكذب وهو مكشوف اصلا عامل حاله انه مهتم في زوجتة ويجيبها ويوديها ويسفرها ومن هالحركات لكن الصدق والمصداقية في التصرفات ملغية تحس انه واجب عليه بس علشان محد يتكلم علية بالناقص لكن كحاجة يستمتع فيها لا لأنه الاستمتاع بالحلال مايصير لكن بالحرام يجنن يجي غير عادي
شكلي خلطت النابل بالحابل مدري الحابل بالنابل
عموما حبيت اوصل فكرة مفادها بالحقيقة تساؤلات هي:
1) هل فيه صدق وصداقة بين المرأة وزوجها بمعنى ماتحملة الكلمة من معنى ؟
*هل الرجل يقدر ماتفعله الزوجة من حركات وتمثيل الف ليلة وليله كله لعيونه ؟
*ماشعورك حينما ترضيك زوجتك باللي تقدر علية من تدليع وغيره والي كم يستمر هذا الشعور ؟(المدة يعني )
*
*لماذا الرجل يحب استغفال المرأة باشياء كثيرة من غير تحديد ؟
*ليه الرجل اخرس مع زوجتة ثرثار مع غيرها ؟
وخلينا مانلف يعني الزوجة ماخذه ماجستير بفن التعامل مع الزوج لكن هو لوح بالعربي مع زوجتة تهقون ايش حكايته
*ليه الزوج مايحاول يطلع على الجديد من الحركات الرومانسية والسوالف الحلوة اللي تحاول دائما المرأة توفرها وبالنهايه ماتلقى الا النقادة من ابو الشباب ؟
ليييييييييييييييييييييييييييييييه وستين الف ليه ؟
تدروووون تعبت من هالهذرة بس اتمنى فهمتوني يالتماسيح بالذات
ملحوظة
فية شخصيات قسم بالله تحطها على الجرح يبرا وشخصيات (خليني ساكتة)يعني ظل راقل ولا ظل حيطة !!!!!!
اتمنى اكون ضيفه محبوبة وخفيفة------------->مو الظاهر شكلي خربتها