[align=center]جيتك أدور لك واثاريك فيني
...........والشوق في صدر المحبين عاده
يارفيق دنياي ويانور عيني
.............. جيت الغريب اللي يدور بلاده
لو خيروني بين قلبك وبيني
............. يرد لك صدري ويصرخ فؤاده
ياوين منزلتك وياذوق ويني
.......... مالي مكان وقصرك الحب شاده
جيتك محبة ووردتي في يديني
......... جيتك وعشقي جاب حرفه وقاده
وان غبت حزني بالألم يحتريني
........... يشرب غيابك.. ثم ينثر مداده
صهيل خوف يقابله من حنيني
............. جيش الأماني يستعد بجياده
باضم طيفك واطلبه مايجيني
...............الا إذا جابك وعوض بعاده
واخذ بثاري من هدبك وسنيني
.......... واعّدل المايل واروض عناده
واقطف من عذوق المحبة بيميني
............... وابلل شفاة الفؤاد بمراده
وابرسل طيوفي توصيك فيني
........ لاغاب حرفي عن مسامعك ناده
يا نور فجري يا شذي ياسميني
...........النقص يرسم لك حدود الزياده
لاتسأل عروقي عن احوال طيني
........ فاح اليباس وشح غيم السعاده
مابين قسواتي يناديك ليني
....... صوتك مطر قلبي ونسمة براده [/align]
العرض العادي
