لله من عبرتن بالصدر حابسها && ومجندن دونها قفلن وحراسي
أحكمت بوتاجفن وصيت حارسها && يكون في معاملتها مرن وسياسي
لتهجر الروح وتشلح ملابسها && ويبين خافي الضمير لكل بلاسي
تدري بها عالمن تلبس دسايسها && ولابد لنار منفاخن ومحساسي
أهل الدنا في السما تترك دنافسها && نقالت الحكي بين الناس والناسي
رجالهم قدمك علومك يملسها && ولقفيت صار التشادي حد الأمواسي
أبعد مجالي وجنب عن كنايسها && اللي تلم الردى من كل الأجناسي
عبادة المال طرد المال هاجسها && لخيلو بارقه وصلوه عساسي
أحدأ يعبد الطمع نفسه مقطسها && وأحدأ على جرته وأحدا بلرماسي
يعابد المال وأربابه مكدسها && كم هو رصيدك ليا دقن الأجراسي
كربتك يوم المحاسب من ينفسها && وراك ماتنتبه يالداله الناسي
وش معك لمنها شبت مقابسها && أسرع من الكهرباء لنشبت بالماسي
لو الخزاين من الاموال تارسها && ماتنفعك دينها بنهارأ في محتاسي
من عقب غالي جواهرها وسندسها && تبا تضل تطق أخماسي بسداسي
لتنخدع والطمع عينك يطلمسها && دنياك قصرأ مزخرف هين الساسي
أحترت في وصفها وان جيت أقيسها && لقيت فيها الذهب مغشوش بنحاسي
وغنيت يوم الصبا هبت نسانسها && ماهو بحب وطرب من وقتي القاسي
أشجع الروح بالمعنى وأحمسها && وأخذ بها عن مجال الهم مرواسي
عسى المثايل تنسيها وساوسها && مثايلن نبهها من صادق أحساسي
وأبي أهل العرف لصتكت مجالسها && يقرون قولن كتبته فوق قرطاسي
يدرون حال الفلاني وش محرمحسها && ومنها يعرفون ليه الشيب في راسي
سبةهمومن تداوسني وأداوسها && في هجرتن تجعل الأرياق يباسي
صقورها عودت صيد لفرايسها && الخرب فيها تعشى له بقرناسي
شيلة الله من عبرتن أداء مهنا العتيبي
العرض العادي
