وجوالي ... بصراحة ثقيل دم ... يعني لو أقعد أعصر فيه اليوم كله ... يمكن مايطلع معاي شي ... بس يالله خلنا نشوف ...
أبي أطلع الجوال وأجاوب بصراحه متناهية فلا أسرار به ...
1/ ماهو نوع جوالك ؟
نفيقيتور 6110 .... وسبب إختياري له هو أنه يحوي نظام ملاحه ... وخفيف وعملي .
2/ ما اخر صورة تم التقاطها ؟
ودي أحط الصورة بس راح تاخذ وقت .... والصورة هي عبارة عن ركن للصخور أخذت فكرته من الإنترنت وأعجبتني فلطشت صخور من موقع تمهيد طريق إسفلت ... وطبقت الفكرة ... وكانت لابأس بها فصورتها كنوع من المهايط ( الغرور ) لأريها لكل من هب ودب يعني مسوي شي .
3/ كم رقم مخزن عندك ؟
172 بس ... وكلهم أبو فلان يعني لو يدق علي أي واحد منهم مدري أي أبو فلان فيهم .
4/ ما اخر رساله تم تلقيها ؟
إستبدل نقاط قطاف وأكسب نقاط إضافية .... وحتى أخر الديباجه
5/ ماهي الرساله رقم 5 ولاحظ ((5 )) بالتحديد ؟
لإنتاجية أكبر في الحياة ندعوك / لدورة بناء فريق العمل للمستشار فيصل الهاجري
المرسل / الندوة العالمية للشباب
6/ من ضمن الاسماء في جوالك هل يوجد اسم غريب او مضحك لاحد اصدقائك,, اذكره لنا ؟
فيه أثنين واحد مسميه الخايس ... وهو فعلا خايس لأنه يدق علي أخر الليل ويقولي ياحيوان ليش تكلم خويتي ( رفيقتي يعني ) ... عاد ولا طاح إلا فيني أنا ... ورب الكعبه جوالي عمره ماسمع صوت نسائي غير صوت أمي وزوجتي وأخواتي طبعا ... الثاني أسمه تبب ... ولا له معنى بس واحد لقاني وعطاني رقمه وأنا مستعجل وإختصارا للوقت حطيت له أي أسم .
7/ ماهي أعلى فاتوره قد تجاوزتها ,,او كم هو حدك الائتماني ؟
عاد هذا السؤال اللي منه فايده في جوالي ... طبعا للي سبقوني كلكم كاشخين علي بالإجابات الحلوة وانا ماعندي شي ... لا اللحين موتوا قهر عاد ... جوالي فري وبدون حد إئتماني .... يعني لو أكلم أربع وعشرين ساعه على أربع وعشرين ساعه ما يحسب علي ولا ريال .... طبعا تبوون تعرفون ليش ... اسف ماني قايل بس هذا الصحيح ... وترى لاني إنسان مهم ولاهم يحزنون بس يصدق علي المثل اللي يقول ( يدي الحلق للي من غير ودان ) يعني واحد معاه تراكي ولاعنده أذاني .
7/ ماهي أعلى فاتوره قد تجاوزتها ,,او كم هو حدك الائتماني ؟
ولا شي ... ماقلت لكم أني ما أدفع ولا شي
8/ ماهو اسمك بالبلوتوث ؟
ولا أهتم نهائيا بالإسم ... ومن أخذت الجوال وهو على أسم المصنع نفيقيتور 6110 .
وهذه كانت لواحد خواف أدق عليه ولا يرد ... قصيت عليه ولما رد غسلت شراع أبو جد خلفه ( أمزح ) انا ما أنقل إلا الأخبار الطيبه .... وسيظل يذكرني بالخير إذا هو فيه خير .
خلاص إنتهت الأسئلة .... أوووف ما بغينا ... بس قبل لا أنهي الرد .... بغيت أقول إن ولا عمري إعتبرت الجوال شي لايمكن الإستغناء عنه .... هو أخر إهتماتي وأخر قناعاتي وأخر إحتياجاتي وأخر ما أحمله وأول ما قذف به إلى السلة التي على المدخل في منزلي .... رنته تثير قلقي ... أكرهه ورب الكعبه أكرهه ولكني على حمله مكره وعلى إستخدامه مجبر ... يا جماعه ما أخترعوا قوطي صلصله بدون خيط بينك وبين أهلك وبس ؟؟؟؟
أشكرك يا لينوا على كلمات الإطراء ... ولو أن الشباب اللي في المنتدى فيهم الخير والبركة . .. . .
جزاك الله خير
/ ماهو نوع جوالك ؟
نوكيا 6120
2/ ما اخر صورة تم التقاطها ؟
صورة لأبنتي هــــنــــــد
3/ كم رقم مخزن عندك ؟
493 أسم
4/ ما اخر رساله تم تلقيها ؟
من جوال زاد
5/ ماهي الرساله رقم 5 ولاحظ ((5 )) بالتحديد ؟
من زميل لي من القصيم ... وهي رسالة تذكير بالله وأن الفضل بيده سبحانه ... جزاه الله خير
6/ من ضمن الاسماء في جوالك هل يوجد اسم غريب او مضحك لاحد اصدقائك,, اذكره لنا ؟
واحد مسجل أسمه المهايطي ... من كثر الهياط الله يحفظة ...
7/ ماهي أعلى فاتوره قد تجاوزتها ,,او كم هو حدك الائتماني ؟
أعلى فاتورة تجاوزتها كان قبل شهرين أو ثلاثة عندما كنت خارج المملكة بلغت 4300 ريال ... ومتوسط المكالمات من 2500 إلى 3200 ريال في الشهرين ... والحد الإئتماني والله مدري بس يمكن 5000 ريال ...
تحياتي وتقديري لك العطر الفواح لمنتديات عاصمة الربيع
اختي واستاذتنا ومعلمتنا القديره /////// لينو
حين انطق اسمك يشع من بين يدي نور من عطاء وعطر من وفاء وسحابه تطل كلها بالعطاء والنقاء والوفاء هنئيا لنا بك وهنئيا للمنتديات بتواجدك فيها
احسنتي باختيار الموضوع واحسنوا الاخوان حين البسوك ثياب من المديح والثناء بلا شك تستحقينه وتستحقين اضعافه يا انستي
اشكر لك شكرا مركباً ومضاعفاً
شكراً على نشاط الملحوظ بارجاء وثنايا المنتدى .... شكراً لك على هذا الموضوع الجميل الذي يكشف لنا خبايا وجاونب مغيبه عن الاعضاء ....شكر وامتنان حين شرفتيني باختيارك .. ويشرفني ان اكون البديل للاستاذ القدير /// المغامس فمهما يكن يبقى استاذ الجميع واستاذ الكلمه الصادقه
الى الاجوبه >>>>>
1/ ماهو نوع جوالك ؟
نوكيا n95
2/ ما اخر صورة تم التقاطها ؟
صورة لابنتي الصغرى ربي يحفظها
اعتذر عن اضافتها اخاف عليها من عيونكم
لا يجي واحد ويقول طالما انت ابوها اكيد مو من زينها
القرد بعين امه غزال
بس هي عاد والله غزال ربي يحفظها ويصلحها ويرزقكم الذريه الصالحه
3/ كم رقم مخزن عندك ؟
349 اسم مبطن ... يعني نص الاسماء تحتها رقمين وثلاثه
4/ ما اخر رساله تم تلقيها ؟
بلغك الله املاً لم تبلغه
ورضي عنك رضا لم تعلمه
ورزقك رزقاً لم تحسبه
وجمعك بالجنه بمن تحبه
( لا اله الا الله )
ولا تنساني من دعائك
جمعه مباركه
ارسلها لي زميلي ابو ناصر من القصيم ربي يجزاه خير على دعواه المباركه
5/ ماهي الرساله رقم 5 ولاحظ ((5 )) بالتحديد ؟
الاخ / .... انا اخوك / ...... لو سمحت ردي علي
من احد الاشخاص حينما لم ارد عليه لعدم معرفتي برقمه
6/ من ضمن الاسماء في جوالك هل يوجد اسم غريب او مضحك لاحد اصدقائك,, اذكره لنا ؟
الدكشنري ( القاموس )
طبعاً نوع من الاستهجان لاسلوبه المشوب بالكثير من اللقافه يعني باختصار كل موضوع ينقز فيه ويتفلسف يعني اني اعرف كل شي
7/ ماهي أعلى فاتوره قد تجاوزتها ,,او كم هو حدك الائتماني ؟
مبلغ 5070 خمسة الاف وسبعون ريالا في عام 1424هـ
كنت مسارف لخارج البلاد وتحملت مبالغ هناك وحين العوده فصلوه ولم يوقفوا الباقه الذهبيه اللي كانت موجوده ذلك الحين واستمر يرصد علي مبالغ هو مفصول وكل ما اتصل يقولون ما نفصل عنك الباقه الى ما تسدد <<<<<< استغلال شركة الاتصالات السعوديه
8/ ماهو اسمك بالبلوتوث ؟
(( وفيت حتى بكيت ))
9/ ماهو الثيم الحالي لجوالك ؟
tlesto <<< لا احد يسألني عن معناه الوجه من الوجه ابيض فزعتك يا لينو ان احد سالني
10/ ماأكثر ماتستخدمه بالجوال مثلا: المنبه , الحاسبه , البلوتوث , التسجيل ؟
والله طالما حنا بالوظيفه فلا شك لن ينافس المنبه شي اخر
14/ ماهو الأسم رقم ((23)) المخزن عندك ؟
احمد . م . الزامل <<< احد زملاء العمل
شوفي عاد استاذه /// لينو انا جاوبت على سؤالك اعلاه ابو اسم رقم 23 بس فيني فضول 1ابحني وش معنى هالرقم بالذات ؟!؟!؟!؟!؟!؟!؟!؟!؟!؟!؟!؟؟؟!!!؟؟؟؟
15/ ما آخر رساله قمت بإرسآلها ؟
(( وصلت حفر الباطن ولله الحمد )) <<<<<<< ارسلتها اليوم لما وصلت الحفر تقريبا لاكثر من 15 مستلم اخواني واخواتي وكل ما يهتم بسلامة وصولي
مع ارق التحيات لك عزيزتي /// لينو
واتمنى اني وفقت باجاباتي واني اشبعت شغفك وشغف القراء لجوال الرحال المتواضع