وهذي قصيده اتمنى البعض ان يفهمها
للشعر مواقفه
وربما سأكسر القاعده التي تقول ( ذكر الجزء ويراد به الكل )
فأنا اقول ( ذكر التعميم ويراد به التخصيص )
قال صلى الله عليه وسلم ( كمل من الرجال كثير ولم يكمل من النساء الا اربع,(خديجه بنت خويلد ومريم ابنت عمران وآسيا بنت مزاحم (زوجة فرعون) وفاطمه بنت محمد) رضي الله عنهن اجميعن ..
أقسم قسم واحلف ثـلاث أيمـان بالله العظيـم
الهرج من طبع الردي والطيب من طيب الخصال
والبغض في قلب النسا واللي يعارضني غشيـم
ما فيه حرمه كامله إلا إربعـه يإبـن الحـلال
إبنة مزاحم آسياء وأم النبـي عيسـى الكريـم
وزوجة رسول الله وبنته فاطمـه فيهـم كمـال
شر الحريّم من زمان الوقـت والعهـد القديـم
شر ٍ يسبب لـك مـرض ولا شلـل ولا هبـال
حتى النبي يوسف وله سلام مـن رب ٍ رحيـم
ذاق الأذى منهم عشان انه ملك نصف الجمـال
ما فيه شي ٍ تدخله حرمه ويرجـع لـك سليـم
إخذ الكلام المعتمد مـن واحـد ٍ دربـه عـدال
وإتفل على وجه الرجال اللي تصرّفهـا حريـم
لا قالت الحرمه كذا قالوا كـذا بعـض الرجـال
يا حيف ياللي تحسبون العز في صحبـة رنيـم
ولا هـدى ولا منـى ولا ضحـى ولا مـنـال
ولا سوالـف هاتفيـه بآخـر الليـل البهـيـم
شي ٍ يقال وفيه شـي ٍ عيـب لا يمكـن يقـال
العز والله بالرجـال اللـي لهـا قـدر ٍ حشيـم
اللي علـى درب الشكالـه دوم منـزال ونـزال
وليا إهرجوا هرجاتهم تجيـك دايـم بالصميـم
ماهو مثل هرجات من كـب العمامـه والعقـال
رجال يسوى له ذهب يمشـي بخـط ٍ مستقيـم
ورجال من بين الرجال والله ما يسـوى ريـال
وسلامتكم والسموحه على اي قصــــــور ,,,