[size=7][align=justify][align=justify][align=justify][align=center]الســــــــــــــــلام عـــــليـــــكم ورحــــــمــــــه الـــــلـــــه وبــــركـــــاتــــه
بصراحه في قصيده غزليه سمعتها وهي للشاعر المبدع (سعود الفهد المريخي )
ويقول فيها ابو فهد......
خطاك انك تصدقني اليا من قلت لك بنساك
انا وشلون ابنسى اللي طوال الوقت اهذريبه
انا منساك لاواللي خلقك وكملك وانشاك
غريبه تسأل المشتاق وانت القلب تدريبه
علامك ليه تجهل شعري اللي لازعلت ارضاك
علامك تجهله من عقب منت اللي تماريبه
تعال ان ماعجبك اللي كتبته تركه يفداك
تعال اجلس ابعلمك بقصيدن توباديبه
لك الله لوسكبت الشعر في كاس الغرام ارواك
يبكي اعيونك الخدارت ولسانك يغني به
هلابك ياهوى نفسي هلا حتى الهوى يهواك
هلا يافتنه اللي غار كل الطيب من طيبه
اغار من الكلام اللي اليا قلته يحوش اشفاك
واغار من الهدب لاحب خدك يوم تغويبه
واغار من الجديل اللي اليامنه انطلق غطاك
احسده واعشقه محتار مدري ويش اسوي به
عطاك الله اوصاف الحواري كلها واغناك
اضنه لويجي لك زين يوسف قلت ماليبه
ابوك الله يبيحه جاد باسمك يوم هو سماك
الاياعين حرا تدمي الصيده مخاليبه
حبيبي خافقي ماراح لا منا ولا مناك
نده له سحر عينك قلت طاعه يامطاليبه
الا واقلبي اللي كل ماتسري سرى مسراك
مغير الحزن في صدري ونبضه وانت غاديبه
حبيبي كل مامنك ضحكت ولوحت يمناك
اقول الله واكبر عاف قلبي ويش اجازيبه
خطاك انك تصدقني اليامن قلتك بنساك
انا لامن نسيت الحمد قلي ويش اصلي به
.............. وسلامتكم [/align][/align][/align][/align][/size]
قصيده غزليه للشاعر( سعود الفهد المريخي )
العرض العادي
