وش اسوي

[عندمايبهت البوق]

السلام عليكم ورحمة الله وبركاتة
الفزعة يالربع ماعلاكم مهي بهوشة
رقمي بصندوق التنمية العقاري يبي ينزل ونا معرف اتصرف وبني اقصد ماعرف الطريقة
الارض موجودة بس ابي اعرف منين اجيب العمال الجيدين والمقاول اش فايدتةوالتنمية يعطونك الخمسمية مرة وحدة او دفعات وكل كم يعطوني ابي التفصيل الممل المطفش اللي يرفع ضغطك

[حفراوي2010]

يعطونك دفعات بحيث يخرج مهندس للموقع لمعاينته علشان يصرفون لك الدفعات الباقية هذا الكلام قبل حوالي عشر سنوات بس الحين مدري.

[خور غنيم]

الله يعينك
الخمسميه تاخذه دفعات وكل مره ومره يطلع معاك المهندس ويشوف القواعد ومساحه البركه
والمساحه يعني بالعربي دوخت راس ومن ناحيت العمال يجيبهم المكتب او المقاول نفسه
والمقاول ياخذ من 40 الى 60 الف شغل ايده
بس قبل لاتاخذ المقاول اسئل عن الجيد والي يخاف الله من واقع ناس تعرفهم
بنو بيوتهم ولاحصلتلهم مشاكل مع المقاولين

[mango]

انصحك بتثبيت كل شي تريده بالعقد ولا يغرك المقاول بالكلام واني سافعل لك كذا وكذا تراه خرطي ولا ينفذ الا الموجود بالعقد

[الأسطوره]

موووووووووفق

[MuBaRak]

تروح للصندوق تسوي الإجراءات ويرسلونك للعدل ترهن الأرض

اول دفعه يعطونك 50 الف بعد رهن الأرض وتوقيع العقد

الدفعه الثانية 200 الف بعد مايقوم البيت عظم

الدفعة الثالثة 175 الف بعد ماتمسح وتبلط

الدفعة الأخيرة 75 الف بعد ماتكمل كل شي .

العمال شف مؤسسات المقاولات كثيره

وعندك طريقتين :

يا انك تسلم المؤسسة يبنون لك عظم والمواد عليهم (بتريح نفسك)

او يشتغلون لك شغل يد بدون مواد ( بتوفر لك مبلغ وقدرة )

والله يعينك على شراء الحديد بنفسك وحجز الخرسانة والطابوق .... الخ

صحيح تتعتب إذا كانت المواد عليك بس بتوفر مبلغ حلو ينفعك .

وطبعاً لازم تطلع مهندس (قبل صب القواعد - قبل صب الميده - قبل صب الأعمدة - قبل صب السقف)

علشان يتأكد من شغل العمال وانهم ماشين على المخطط صح

وكل مره يطلع المهندس يآخذ 200 ريال


بالتوفيق ...

[عندمايبهت البوق]

يعطيكم العافية يعطيك العافية مبارك صراحة عطيتنا التفاصيل اللي على كيوفك