ماخاب من استشار

[ضاقت فيني]

السلام عليكم ورحمة الله وبركاته

مااعرف للمقدمات<<<<ساعة يفكر

خلني ابدا على طول

بغيت اسشيركم يااخواني وخواتي بشي صار لي اسبوع افكر فيه
انا عندي مبلغ33الف واخاف اصرفه ولكذا ودي استثمره بس ماادري في وش ماعمري تاجرت ولااعرف التجارة وبيني وبينكم اخاف اسوي شي واخسر خصوصا ماعندي خبره والمبلغ قليل

ماادري ابي رايكم

[أبوفيصل]

والله يا أخي الكريم معرفتي بالتجارة زي معرفة الشيبان لتقنية النانو

مجال الغنم في مصلحة , لكن يجب إنك تكون عارف بهالمجال

أو مطبخ مناسبات اعتقد انه ما يكلف كثير .

[خالد الهويدي]

صراحه انا انصحك تسوي مغسلة اذا مالك خبره بالغنم وكذا


ولا تستعجل شف كل الاشغال

[ضاقت فيني]

اقتباس: المشاركة الأصلية كتبت بواسطة أبوفيصل    والله يا أخي الكريم معرفتي بالتجارة زي معرفة الشيبان لتقنية النانو مجال الغنم في مصلحة , لكن يجب إنك تكون عارف بهالمجال أو مطبخ مناسبات اعتقد انه ما يكلف كثير .

هلابك اخوي
وش تقنية النانو
والله يابو فيصل ماعنديي خبرة في الغنم مع اني سمعت انها زينة حتى لو كان فيه خبرة يبي لها مقابل يومي وانا عندي دوام يكسر الظهر الله يكسر ظهر اللي في بالي

طيب مطبخ المناسبات يعني مضمون؟

[ضاقت فيني]

اقتباس: المشاركة الأصلية كتبت بواسطة خالد الهويدي    صراحه انا انصحك تسوي مغسلة اذا مالك خبره بالغنم وكذا ولا تستعجل شف كل الاشغال

هلابك اخوي خالد
مغسلة الملابس فكرت فيها بس مالقيت موقع مناسب وانت عارف لازم يكون موقع مكتظ بالعزابية
بس الفكرة موجودة في بالي من زمان

[أبوفيصل]

اقتباس: طيب مطبخ المناسبات يعني مضمون؟

شف السودانيين الي بالمطابخ مر على أكثر من واحد وشف الدعوى , يعني خذ معلومات واحسبها براسك ولا تنسى هل الخبرة ... لأني أشوف المطابخ تشتكي من كثر الشغل عسى الله يرزقهم , واهل الحفر تخبر يا يوم غدا يا يوم عشا والذبيحة ب190 ريال الطبخ وإن شاء الله الأمور سهلة , والتجارة شف كم متوقع يدخل لك المطبخ

والله يرزقك ويرزقنا ويرزق كل مسلم .

[ضاقت فيني]

اقتباس: المشاركة الأصلية كتبت بواسطة أبوفيصل    شف السودانيين الي بالمطابخ مر على أكثر من واحد وشف الدعوى , يعني خذ معلومات واحسبها براسك ولا تنسى هل الخبرة ... لأني أشوف المطابخ تشتكي من كثر الشغل عسى الله يرزقهم , واهل الحفر تخبر يا يوم غدا يا يوم عشا والذبيحة ب190 ريال الطبخ وإن شاء الله الأمور سهلة , والتجارة شف كم متوقع يدخل لك المطبخ والله يرزقك ويرزقنا ويرزق كل مسلم .

امين جزاك الله خير
بمر عليهم وبشوف صارت شغلتين عندي مغسلة ومطبخ وانتظر راي باقي الاخوان

بس للحين عند سؤالي وش تقنية النانو

[زبن المرشد]

الله يوفقك ويرزقك الرزق الطيب اكيد تعرف واحد عنده تجارة ولو بسيطة ممكن تستشيره
وبالنسبة للغنم تجارة مربحة بس حنا على وجه الضحية والشريطية نصابة يعني لا تستعجل وترى الغنم يبي لها طولة بال واعلاف ومتابعة وتخبر ما في شيء يجي بالسهالات
لكن ليش ما تشوف التقسيط"سوا اوتايد"الكمية تشتريها ب5الاف وتبيعها ب8الاف ولكن اقساطها 500ريال كل شهر.يعني يبي لك طولة بال.ويا كثر المكاتب اللي كذا بالحفر.
استشر تراني لا تاجر ولا شي بس كذا اسمع من التجار.
الله يوفقك يا ضاقت فيني وان شاء مثل ما ضاقت تنفرج عن قريب.

[ضاقت فيني]

اقتباس: المشاركة الأصلية كتبت بواسطة زبن المرشد    الله يوفقك ويرزقك الرزق الطيب اكيد تعرف واحد عنده تجارة ولو بسيطة ممكن تستشيره وبالنسبة للغنم تجارة مربحة بس حنا على وجه الضحية والشريطية نصابة يعني لا تستعجل وترى الغنم يبي لها طولة بال واعلاف ومتابعة وتخبر ما في شيء يجي بالسهالات لكن ليش ما تشوف التقسيط"سوا اوتايد"الكمية تشتريها ب5الاف وتبيعها ب8الاف ولكن اقساطها 500ريال كل شهر.يعني يبي لك طولة بال.ويا كثر المكاتب اللي كذا بالحفر. استشر تراني لا تاجر ولا شي بس كذا اسمع من التجار. الله يوفقك يا ضاقت فيني وان شاء مثل ما ضاقت تنفرج عن قريب.

جزاك الله خير اخوي على هالدعوة

انت تقصد اشتري سوا واقسطها على الناس ؟ والله ياخوي من يطرد ورى الناس عاد عزالله خسرت يقعد يشكيلي ظروفه ولا ينزل دمعتين اسامحه بكل المبلغ عاد اعرف نفسي انا لالا ماتنفع هههه الغنم والله حلوة بس ياخوي يبي لها وقت وماتصلح لموظف لان الهندي لحاله مايقدر ومو امين بعد
الله يكتب اللي فيه الخير

[ابو هادي1]

في موقع اسمه البطاله انصحك فيه