صاحب الرد الأخير ردك في محله وهذا اللي مانبيه إعتماد الرجل على زوجته وهو ما يجعل قوامته غير موجوده فأتمنى من أصحاب الردود الموافقة على أخذ الأموال من الزوجات أن يغيرو أرائهم وأن يغير صاحب الرد الأخير أسمه وداعا يأمة أستحت وخجلت من جهلها الأمم
يترك عمله والزوجات هم الي يشتغلون ويجيبون الفلووس واااعيباااه بس . أنا ما ادري كيف رجال يمد يده على فلوس زوجته ؟ نحن الرجال مطالبين بالنفقة والصرف على الزوجة والمنزل والأولاد لكن ان يجلس في البيت ينتظر راتب زوجته فهذي والله هي قاااصمة الرجوولة .
أدري اننا في 2009 ولاابشرك باقي شهر وعشر ايام ويجي 2010
وحتى لو اننا في عام 3898 ما يغير الوضع شي , والآية تقول (الرجال قوّامون على النساء) والرجولة والقوامة باقية الى قيام الساعة .
يعني لو اننا في 2009 تموت الرجولة ويجلس الزوج في البيت وزوجته تصرف عليه ؟ يجلس في البيت وش يسوي لحاله ؟
واذا تفكر بالميلادي والنظام الغربي ترى حتى النظام الغربي ينتقد الشي هذا .
وحتى لو ما تستحي من ربك ومن نفسك وش بيقولون عنك الناس ؟ (فلان تصرف عليه مرته وهو قاعد في البيت) <<< ما اتوقع احد يرضى هالكلمة عليه .