السلام عليكم ورحمة الله وبركاته
آتمنى ترتقي لذآئقتكم..
سقا الله زمانـن زال وبالذاكـره مـازال
.فداه العمر لـو راح الاول علـى التالـي
قبل من عوايدنا نعشـق السهـر لا طـال
.معي بكل يوم وليله اقرب مـن اظلالـي
تنـام بعيونـي فارعـه ماعليهـا شـال
سترها الغلا والخوف مـن عيـن عذالـي
وفجأه بلا موعد صحينـا علـى زلـزال
اخذ كل شـي ولا تـرك غيـر غربالـي
بقا بيننا يمكـن تواصـل بقايـا وصـال
تجيني بعد مـده تـدور عـن اوصالـي
مجرد سـلام ومانسيتـك وكيـف الحـال
هذا اخر الغالـي وحقـه وهـو غالـي ؟
واذا مر وقـت ولا لفـى منهـا مرسـال
وبديت التفت عن حالها شوي فـي حالـي
عن الوم والشرهه رسايـل علـي تنهـال
مـن يدينهـا واحسهـا تسولـف قبالـي
يقولون : مايبكي علـى المقفيـه رجـال
وانا اقول : جعـل قلوبهـم مالهـا والـي
على وين ماراحت اسـوق القـدم رحـال
اخيل المدى والـدرب موحـش وبلحالـي
ادور حـدر غيمـة مواعيدهـا هـمـال
.ولا شفت منها غير موعد مـع اهمالـي
خـلاص انتهينـا مابقـا للسنيـن امـال
بعد ماقصـر مرسالهـا مـات مرسالـي
هي الحين..! صارت راعية بيت وام عيال
وانا االحين..! مثل اول على خبرها حالي
العرض العادي
