السلام عليكم
بالبداية كنت متردد أكتب الموضوع لأني أشوف انه ما فية مبرر أو سبب لكتابتة ولكن بس حبيت أبين لكم طيبة شيوخ الكويت الصباح..
كنت معزوم عند أحد الاصدقاء بالكويــــت بديوانه..
توجهت للديوانية بمنطقة شويخ صفطت سيارتي وكان الديوان ملياااان رجال يشرحون الصدر شرواكم..
المهم دخلت وسلمت ع الجميع بعدها قعدت وكان فية رجل بصدر المجلس يهلي ويرحب (( لايعرفني ولا أعرفة)) وتجاذبنا أطراف الحديث والنقاش وكان دمث الخلق ومحترم لأبعد الحدود ..
بعد تقريباً اقل من نصف ساعة سألت صديقي من هو هالشخص ؟؟؟
قال هذا الشيخ//علي جابر الاحمد الصباح >>محافظ العاصمة<< ابن المرحوم الشيخ/جابــــــر
بصراحة تعجبت من هذا الرجل قمة التواضع والاخلاق
بعدها الشيخ طلع وطبعا قبل يطلع سلّم ع الجميع وكان ما معة الا السائق ومرافق واحد بس !
- هذا ماحدث والله الشاهد علي-
اللي بوصلة لكم ليش ربعنا مايجالسون الشعب مثل الكويت هل المجتمع يختلف من بلد لبلد ؟؟؟!
أنا ما أتكلم فقط عن الحكام بل حتى المسئولين اللي يجيك شايف نفسة وهو ما عندك أحد !!