ياللي سلبت المشاعر وانت متعدي

[ابن عجلان]

الحقيقة ماودي بالقصايد الغزليه في رمضان ولكن جت غصب ماهو على كيفي
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياللي سلبت المشاعر وانت متعدي = اقفيت ماتحسب اللي متعبن حاله
لوكنت تعلم وتدري فيك وش ودي = ماهقوتي تترك اللي مشغلن باله
أملّت لك وانتظرت اتروح وتردي = لكنها نظرة ً من سير عجاله
صوبتي بالرموش وخدك الوردي = بجمرة ً في الكبد حره وقتّاله
ياصرم قلبي وهو من قبل متردي = عليك ياللي كبر في العين منزاله
اقفيت وانا اعجل الخطوات واهدي = سوات من ضاع صعبه بين جماله
تعثر السير بين الجزر والمدي = واللي عثر ساق رجله خابت أماله
ما تاصلك ونتي ما تلحقك يدي = ضيعت والناس نصابه ومحتاله
وامسيت مربوش بين الهزل والجدي= وغيري النجم يزها له ويحلا له
وانا من أول بطل للجور متحدي = عثرت واثر الهوا ماني من ابطاله
يامن غلبت العزايم ياسبب غدي = هواك ماعافه الخاطر ولاناله
باموت ماقد وقع خدك على خدي = وتعيش في جالة ً وانا على جاله
ياليت قلبي يحب اللي على قدي = ويترك اللي تعذب له ولا طاله
حاولت بقصى الجهود وكل شي ضدي = وبات حض الشقا يبكي على فاله[/poem]

كلمات : ابن عجلان
ملاحظة من يصعب عليه قراءة شطر او بيت يسأل عنه بالرد لاني من جنبها في الاملاء
فمكن يكون فيها اخطاء املائية