حنا اللي نشوف البنت مخلوق ناقص ومالها رأي ماهي مسؤولة عن نفسها ، لكن مسؤولة عن أفعالها ماتأكل في العزايم إلا من بقايا أكلنا محجوزة عندنا في البيت مثل الغنم ماتطلع إلا لزيارة الجارة أو للعمل حتى زاد عليها الهم والغم وحتى صارت في الوزن مثل الجمل وبعد هذا نمنعها من ممارسة الرياضة لأن الرياضة بس للولد
حنا اللي الحرمة عندنا ماتكشف حجابها لنا وتكشفه للأجنبي وحنا اللي نمنع الحرمة في المدينة من السواقه لأنها فتنة حتى لو كانت قبيحة وغير مغرية ونتركها تركب السيارة لوحدها مع السواق الأجنبي رغم إن بنات البدو يسوقون السيارة في الصحراء من زمن من دون خوف ولا وجل ومن دون إعتراض الأهل
حنا أول من إبتكر مطاردة البنات في الشوارع بالسيارات وإذا شفنا بنت راكبة السيارة مع سواقها تجمعنا بسياراتنا حولها مثل الغنم نبغا منها كلمة حتى لو تتفل في وجيهنا أو ترمينا بحجر
حنا اللي عندنا أغلى المهور في العالم ومانشوف ولا نعرف العروس إلا بعد الزفاف (شختك بختك) وبسبب هذا ثلث الزيجات عندنا تنتهي بالطلاق
رغم الحقيقة والألم
حنا السعوديين أحسن المسلمين والعرب
والله طلعنا عالفرازه وحنا ماندري
مع تحياتي لكل السعوديين
&&&&&&&&&&&&&&
وربى كلام سليم وفى الصميم
واللى موعاجبه بكيفه
لكن هذى الحقيقه
والحقيقه دائما مره
والكل مايعترف فيها
&&&&&&&&&
قال قال ارفع راسك انت سعودى!!!!!!!!!!
سلملى على بلد التناقض
والشيم
وبعدين اخي الوليد مع احترامي لك كلامك ماله اي معنى
وترى النت اخوي الكل يشوفه وكلامه مره مو طيب
وشكرا
احترم كل كلمه كتبتها اخوي
وانا ماكتبت شي انا نقلت
مقال نشر في الصحف اليوميه
يعني لو الكلام يضر احد او
يمس شخص معين لم ينشر
في الصحف اليوميه واللي
عليها رقابه
ودمت بود اخي
بسم الله الرحمن الرحيم
انا بقول رأيي في المقال
اللي كتبه الدكتور
الدكتور كلامه واقعي وصحيح 100%
والدكتور صاغ كلامه بطريقه
ساخره لاذعه
ومعه حق في كل كلمه قالها
وانا استغرب من ردود بعض
الاخوان بعدم تقبل هذا
الكلام رغم انه صحيح
وماادري وش السبب
هل هو عدم فهم منهم ام
عدم تقبل لمقال الدكتور
ام خوف من ابداء رأيهم
عموما هذه وجهة نظري