[align=center]عفا الله عن خطا غدر الخناجر والضلوع أبطال
بسامح وأتركك تحت الظلام الحالك لحالك
دخيلك وفر دموعك ترى هدر الدموع إذلال
وترى مافيه أحد يصبر مثل صبري بغربالك
أنا عيب علي أنقض كلامي والرجال أفعال
وإذا قلت أقطع إحبالك تراني بقطع حبالك
عشان أكسب هدب عينك تجرعت العذاب أشكال
مسوى في حياتي شئ مايذكر ولا ينقال
حشا حتى العدو وهو العدو ما يعمل أعمالك
تمسيني على الهم وتصبحني على الغربال
تقلطني فناجيلك وتقصر عني دلالك
تحملت التعب لجلك وأنا حملي يهد جبال
رحلت من العذاب وما وقفت إلا على جالك
علامك كل ماأجيك متواضع جيتني تختال
معاك اليا متى بصبر وصبري معك يحلالك
متل ما أقبلت لعيونك لزوم ترد لي بأقبال
ومثل ماقد حشمتك حس وأحشم قلبي أشوى لك
أنا محدن بجابرني أساير معك هالمنوال
ترى لا ني تبيع لك ولا ني بأصغر عيالك
أنا جيت أعشقك نبض ومشاعر ماأعشقك تمثال
أنا جيت أسكنك وأحيالك وأبقي فيك وأبقي لك
أنا جيت بظما عاشق تعب يطرد سراب اللال
أنا جيت أستفز رضاك من فرقاك وألجأ لك
أنا ما همت بك عاقل أنا كنت أعشقك بخبال
أنا ما كنت أحبك حي أنا كنت أعشقك هالك
تخيل من كثر ما أخاف تلقى للزعل مدخال
أخاف أخطي على طيفك وأدوس برجلي ظلالك
تبعتك والعرب تتبع رعود البارق الهمال
وأنا شفت المطر يتبعك في حلك وترحالك
كأن اللى خلق حسنك خلقني مع جسدك ظلال
وصرت أقرب جسد يمشي معك بقفاك وقبالك
أبي قلبك يحس أنه فقد بمحبته رجال
ملكته من هدب عين وخسرت رضاه بأهمالك
صحيح إن الفراق أقسى ولكن الوصل محال
أنا صعبا علي أرضي غرورك وأضعف قبالك
بعد ما حققت عيني فبعدك للرقاد آمال
أعود للسهر ..؟ ياخوي فال الله ولا فالك
ببدل نظرتك فيني وأجي كل يوم بحال
بكون أقرب من ثيابك عليك ولا تهيا لك
بالمك وأنثرك وأجمعك وأرجع وأنثرك بأهمال
بخونك وأزعلك وأرضيك وأزعل منك وأرضى لك
أبرسم بالثرى وجهك وبدفن صورتك برمال
أبشكي للعرب فرقاك وأضحك عند عذالك
أبهديك الوصال فراق وأهديك الفراق وصال
بسوي مثل ماشوفك تسوي وأفعل أفعالك
عشان تعرف من فينا الز عول ومن وسيع البال
أبيك تذوق فنجالي وأنا بذوق فنجالك
نصيحه وأحتفظ فيها قصر معك الزمن أو طال
أبي تسمع كلامي زين وتحطه على بالك
إذا حبك هبال أطفال عندي هبال أطفال
ولا .... أبشر بعد بهبال حب ماهو بهبالك
وإذا قصدك تهين أسمي عشان العذال
ترى لا أنته ؟؟؟؟؟؟؟؟[/align]
[align=center]
للراااائع (( حامد زيد ))[/align]
العرض العادي
