[poem=font="Simplified Arabic,3,white,bold,normal" bkcolor="transparent" bkimage="backgrounds/26.gif" border="outset,4,white" type=1 line=0 align=center use=ex num="0,black"]
مرني طيف الذي أبغاه وأخذ ساعه من الأزمان
=وفاجاني سحابه ليـن سالـت نجـد وأحيانـي
ودعيته للمعاني شعر ولبـى الشاعـر الولهـان
=وصرت أنظم تماثيلـه علـى قافـي وبألحانـي
ولاني في ميادين الغرام أطـرد ورى الغـزلان
=جذبني مثـل بـدو ٍشدهـا بـراق الأمزانـي
أباها ملك لعيوني ولا أبغـى عقبهـا انسـان
=وتسكن محجـر عيونـي وأهواهـا وتهوانـي
أباها لي حليله وأكتب روايـه بـلا عنـوان
=تضمن للعرب عشقٍ عفيـفٍ مارتضـى ثانـي
أثر فرقا الحبيب أقسى من جروح الحسام السان
=يضيق الكون في عيني وأحس الموت قد حانـي
وعزايه ياسعود أفزع وقم يامنقـذ الخسـران
=ترى صارت حياتـي عقبهـا خاتـم سليمانـي
تاصلني وتقطعني وأنـا مـن بعدهـا حيـران
=وأبي علمه تجيبه لـي قبـل المـوت يغشانـي
نخيتك يانسل جدي قبل لايقنـب السرحـان
=وتسمع كل خلق الله عـواه بـراس ورقانـي
ولامنك وردت أذكر على بالك ضمى العطشان
=عدودٍ جعل يسقيها سحابـة خـدر الأعيانـي [/poem]
[align=center]قصيدة غزلية مسنده للشاعر سعود نضاد بن قويعان [/align]